IDIR - Tamaziɣt tella...

IDIR - Tamaziɣt tella...

Ayen i nurga deg lemnam

Ayen i nessaram

D wayen i nettsawam

Iɣum-it wagu

Tenɣes tafat deg uxxam

Lefnar deg naddam

Yettnexfaf deg ṭṭlam

Simmal yettnusu

A tibḥirt, a wi ẓran

Anida-tt tara-m

Tawriqt-im iɣef nettargu

Tbeddel imawlan

Fkan-aɣ leqlam

Yezleg-as tira-m

Ugaden ad naki

Nugad ad nettu

Anwa aseggad ur neṭṭif

Amergu n wassif

Neɣ azu n ukerṭif

Isegged yečča

Anwa aɣerbal ur nettsiff

Ssmid ad d-yifif

Ɣas rran-t deg rrif

Mazal-it yelha

TAMAZIƔT TELLA

S WAYEN YELHAN

NEƔ BESSIF

Ur yezmir ḥedd

Ad tt-yemḥu

Mazal adif

S tirrugza 

S yiɣil d nnif

Ara tt-id-nawi

Ɣas kkes aɣilif

Ayen i nurga deg lemnam

Ayen i nessaram

D wayen i nettsawam

A la d-iteddu…