Iswiyen n leqdic-a :
* Azuzer n yiḍrisen n Muḥya
** Alemmud n tira (imdanen)
*** Alemmud n tira (inagrawen umḍinen)
**** Azuzen n wul d wallaɣ
-----------------------------------------------
Seg tesfift tamezwarut n Muḥya i d-yefɣen deg meɣres 1979.
________________________________
Ad ɣreɣ di lakul
Iḍelli kan i d-nlul
Yečča-yi baba am uwtul
Ifka-yi ur d-iyi-iɣull
Ad ɣreɣ di lakul
Ad ɣreɣ di lakul
Mačči am izgan yemmul
Ma ulac ad d-neffeɣ d aɣyul
Ad aɣ-d-stixxren war nennul
Ad ɣreɣ di lakul
Ad ɣreɣ di lakul
Deg uqerruy tettenxuxul
Am winna yeččan aḥlul
Ma d nekk zgiɣ d amerḥul
Ad ɣreɣ di lakul
Ad ɣreɣ di lakul
Tura abrid-iw iḍul
Haca ass-nni mi neggull
Tuɣalin yerreẓ uqessul
Ad ɣreɣ di lakul
Ad ɣreɣ di lakul
Fkiɣ-as udem-iw mellul
Tura nettu anda nlul
Nenza nekni nettmuqul
Ad ɣreɣ di lakul
Eh oui ad ɣreɣ di lakul
Mbaɛid ad d-nettmuqul.
Aucun commentaire :
Enregistrer un commentaire