netoops blog
>>> Bienvenue ! Ansuf Yis-wen ! ⴰⵏⵙⵓⴼ ⵢⵉⵙ-ⵡⴻⵏ <<< Tamaziɣt, tella, ad tili, ass-a, azekka... i lebda ! <<< Deg webrid n Dda Lmulud, negzem (awi yufan ad tilim s yidis-nneɣ) macci kan ad neḥrez tutlayt d wedles n yimaziɣen s umata maca ad aten-nesnerni.
I kečč a Lwennas. Ma ara ṭṭlam yesseblaɛ tafat s uslifeẓ n ticurkeḍt d nḥeddeṛ s terẓeg i uleqqem imciṭen n tmagit tagimseggast, syin amyi yettuɣal d tilawt. Imcumen-agi tteḥqaren-aɣ yal taswiɛt. Nugi ad neknu. Aleqqem yugi ad yaɣ segmi iɛuraf ṭerḍiqen s urured n tuddert yettwaxnaqen. Ur nesteɛfuy ara alama nedder d yiman-nneɣ d ḥebsen imerawen-nneɣ aneqleb deg iẓẓekwan-nsen. Tabawt tesfqaɛ-aɣ alama teglad s lmut. Tinififtin n ẓẓif-nneɣ ttwamerretent. Maɛtub Lwennas, tcennuḍ s ubeɛzeq ayen ḥulfan atmaten-ik s tsusmi. Immi nella d tiɣtas n yiwen unagraw anda awal tilleli yesɛa anamek : tilleli i kra n yemdanen ad melken wiyaḍ. Kečč d aselɣar i wul yettwarzen. D anza yeddren n lebɣi-nneɣ ad neqqim nbedd. Ccna yekka-d seg ẓẓif-inek, taɣuct-ik i icuffen s zzɛaf d wurfan teseḥmay-aɣ iɣsan. ---------- Nettxayal Ṭawes Amruc d umeṭṭraḍ anumidi mi tzegger igenwan n tmurt-nneɣ. Syin akin ticraḍ n tyemmatin-nneɣ ttuɣalent d tidet tamagdezt. Ulac ayen nniḍen yessnen neɣ izemren aɣ-yenher. Lwennas, tesmektiḍ-aɣ-d s tumert belli ɣas uzlen idamen, aẓar yettwaxlaf. Ulac alugen n ugama yugaren wagi. Aḥaweṣ n tlelli-nneɣ sɣur imesḥaf-agi i ɣ-iḥekmen yerra aɣref-nneɣ amzun ttaqeḍɛit n lmal yuḍnen anda wid iffazen ɛaṛqen, ussafen neɣ ttwarnan, wid menwala uɣen taggamaḍt n yitran yettcririqen. Rru a yul. Ccnu-yasen a Lwennas belli tugdut d aram amezwaru deg yimawen-nneɣ, neṭṭeḍ-itt seg yidmaren n tyemmatin-nneɣ. Ccnu-yasen fud-nneɣ n teɣdemt d weɣram. Ccnu, a Lwennas, ccnu ! Ɛni amedyaz yezmer ad yemet ?

lundi 20 novembre 2017

Tamɛayt n webẓiẓ d yizi sɣur NUMIDYA

dimanche 19 novembre 2017

Isental n temsizzelt n yiselmaden d yimaswaḍen






I kunwi i yebɣan ad theggim i temsizzelt n yiselmaden d yimaswaḍen n useggas i d-iteddun, atnan ɣur-wen isental d yiseɣtiyen-nsen n yiseggasen 2016 d 2017. Afud igerrzen ! 
Sujets de Tamazight avec corrections des concours de recrutement des enseignants et des inspecteurs 2016 et 2017.

mardi 14 novembre 2017

Timsirin n tmaziɣt sɣur NUMIDYA



Ɣurwet ad tzeglem timsirin n tmaziɣt s wasker uqqin sɣur Tiddukla Tadelsant NUMIDYA n Wehran !
Ne ratez pas les cours de tamazight gratuits en ligne de l’association culturelle NUMIDYA d’Oran.

dimanche 12 novembre 2017

Isental n tmaziɣt – Akayad n lbak – 2008 ar 2017



Ay inelmaden n useggas aneggaru n tesnawit, atnan ger yifassen-nwen isental n tmaziɣt d yiseɣtiyen-nsen deg yikayaden n lbak seg 2008 ar 2017. Nessaram ad awen-ilin d asalel ara awen-yessifessen aheggi n yikayaden-nwen.
Sujets de Tamazight avec corrections des examens du BAC de 2008 à 2017.

samedi 11 novembre 2017

jeudi 9 novembre 2017

Isental n tmaziɣt – Tagezzult n ulmud alemmas – 2008 ar 2017



Ay inelmaden n useggas wis 4 n ulmud alemmas, atnan ger yifassen-nwen isental n tmaziɣt d yiseɣtiyen-nsen deg tgezzult n ulmud alemmas seg 2008 ar 2017. Nessaram ad awen-ilin d asalel ara awen- yessifessen aheggi n yikayaden- nwen. 
Sujets de Tamaziɣt avec corrections des examens du B.E.M. de 2008 à 2017.

mercredi 8 novembre 2017

Amawal ameqran Tafransist <> Tamaziɣt sɣur Abdelhafid IDRES


Xas aken yehlek d yuẓa di leɛmer, Mass Abdelhafid IDRES yugi ad yesteɛfu alarmi i d-yessers ger ifasen-nneɣ amawal-agi ameqran yeṭṭfen 13 n yiseggasen n leqdic. Isseda-d deg-s ugar n 65000 n wawalen deg 2000 n yisebtar. Yella-d uzenzi s ubuddu n umawal-agi ass n 2 wember deg tmesrit tagraɣlant n wedlis n lezzayer tamaneɣt.
Aken i d-yefka abeḥri i turin-nneɣ s umawal -agi, yessefk ula d nekni ad t-nessefreḥ s tmesɣiwt d usseqdec-ines. Nessaram ad yessiɣzef Yellu di leɛmer-is.

mardi 7 novembre 2017

Taseftit n wemyag di teqbaylit – Conjugaison du verbe kabyle

Apprenez le kabyle par la conjugaison de plus de 6000 verbes basée sur le Manuel de conjugaison kabyle de Kamal Naït-Zerrad.

Nadit amyag s talɣa taḥerfit am kcem, ffeɣ... neɣ s tin yeftin kecmeɣ, teffɣeḍ...
Tifelwiyin n tseftit ttwaxedment s tallalt n wedlis n Kamal Uzerrad, « Amyag di tmaziɣt ».

Tanemmirt i ḤUSIN KAMAL ɣef uqqedic-agi izaden !

samedi 4 novembre 2017

Manuel d’alphabétisation en tamazight “Asegmek s tutlayt tamaziɣt”


Un manuel d’alphabétisation en tamazight intitulé “Asegmek s tutlayt tamaziɣt” est désormais disponible en coédition : Haut Commissariat à l’Amazighité (HCA) et Association Algérienne d’Alphabétisation (IQRAA). Ce support pédagogique est conçu par Brahim Hamek, enseignant à l’Université «Abderahmane Mira» de Bejaïa. Téléchargez gratuitement ce manuel.