netoops blog
>>> Bienvenue ! Ansuf Yis-wen ! ⴰⵏⵙⵓⴼ ⵢⵉⵙ-ⵡⴻⵏ <<< Tamaziɣt, tella, ad tili, ass-a, azekka... i lebda ! <<< Deg ubrid n Dda Lmulud, negzem (awi yufan ad tilim s yidis-nneɣ) mačči kan ad neḥrez tutlayt d yidles n yimaziɣen s umata maca ad aten-nesnerni.
I kečč a Lwennas. Ma ara ṭṭlam yesseblaɛ tafat s uslifeẓ n ticurkeḍt d nḥeddeṛ s terẓeg i uleqqem imciṭen n tmagit tagimseggast, syin amyi yettuɣal d tilawt. Imcumen-agi tteḥqaren-aɣ yal taswiɛt. Nugi ad neknu. Aleqqem yugi ad yaɣ segmi iɛuraf ṭerḍiqen s urured n tuddert yettwaxnaqen. Ur nesteɛfuy ara alama nedder d yiman-nneɣ d ḥebsen imerawen-nneɣ aneqleb deg iẓẓekwan-nsen. Tabawt tesfqaɛ-aɣ alama teglad s lmut. Tinififtin n ẓẓif-nneɣ ttwamerretent. Maɛtub Lwennas, tcennuḍ s ubeɛzeq ayen ḥulfan atmaten-ik s tsusmi. Immi nella d tiɣtas n yiwen unagraw anda awal tilleli yesɛa anamek : tilleli i kra n yemdanen ad melken wiyaḍ. Kečč d aselɣar i wul yettwarzen. D anza yeddren n lebɣi-nneɣ ad neqqim nbedd. Ccna yekka-d seg ẓẓif-inek, taɣuct-ik i icuffen s zzɛaf d wurfan teseḥmay-aɣ iɣsan. ---------- Nettxayal Ṭawes Amruc d umeṭṭraḍ anumidi mi tzegger igenwan n tmurt-nneɣ. Syin akin ticraḍ n tyemmatin-nneɣ ttuɣalent d tidet tamagdezt. Ulac ayen nniḍen yessnen neɣ izemren ad ɣ-yenher. Lwennas, tesmektiḍ-aɣ-d s tumert belli ɣas uzlen idamen, aẓar yettwaxlaf. Ulac alugen n ugama yugaren wagi. Aḥaweṣ n tlelli-nneɣ sɣur imesḥaf-agi i ɣ-iḥekmen yerra aɣref-nneɣ amzun ttaqeḍɛit n lmal yuḍnen anda wid iffazen ɛaṛqen, ussafen neɣ ttwarnan, wid menwala uɣen taggamaḍt n yitran yettcririqen. Rru a yul. Ccnu-yasen a Lwennas belli tugdut d aram amezwaru deg yimawen-nneɣ, neṭṭeḍ-itt seg yidmaren n tyemmatin-nneɣ. Ccnu-yasen fud-nneɣ n teɣdemt d weɣram. Ccnu, a Lwennas, ccnu ! Ɛni amedyaz yezmer ad yemet ?

jeudi 17 janvier 2019

Aɣmis n Yimaziɣen – Ammud n useggas 2018


Aɣmis n Yimaziɣen d ukuẓ n yisebtar yal imalas (yal arim) s tmaziɣt deg uɣmis La Dépêche de Kabylie. Nejmeɛ-awen-d merra isebtar (azal n 272) n useggas 2018 deg yiwen n wammud s talɣa PDF.
Ammud-a ad iɛiwnen nezzeh wid yettelmaden tamaziɣt, iselmaden n tmaziɣt d wid i iqeddcen ɣef tmaziɣt s umata. G.M. : Ammud-a ur yettnuz ara (Recueil non destiné à la vente).

mercredi 16 janvier 2019

Iwellihen n temlilit tagraɣlant ɣef tsegda tamaziɣt


Grut iwelihen n temlilit tagraɣlant ɣef tsegda tamaziɣt i d-yesuddes Usqamu Unnig n Timmuzɣa akked Tdukla Taɣelnawt n Yiselmaden Isdawanen n Tsegda i d-yellan ilmend n usfugel aɣelnaw unṣib s yennayer 2969 i d-yellan deg yiɣrem n yidles Ɛebdelkrim Dali n Tlemsan deg wass n 15 /01/2019 s usentel : “ Iẓuran, tuggta d tdukli “…

mardi 15 janvier 2019

Tadiwennit d Mass Djamel LACEB

Tadiwennit, s tefransist, yettaken abeḥri i turin d Mass Djamel LACEB ameskar n udlis "Yennayer, tigemmi n talsa (patrimoine de l'humanité)". Ur tt-zeglet ara !

lundi 14 janvier 2019

Tasɣunt « Aselmad » uṭṭun 5


Tasɣunt « Aselmad » d tasɣunt n wammud n yiḍrisen s tmaziɣt sɣur ugraw n yiselmaden. Deg uṭṭun-a wis semmus (5), ad tafem iḍrisen n wullis, iḍrisen n usegzi, uraren n uselmed, iḍrisen n uglam, iḍrisen n yimesfukel, ammud n yisefra, taceqquft n umezgun ɣef yennayer d temsirin n tmaziɣt.

dimanche 13 janvier 2019

Kanada : aɣḍem amaynut ilmend n usfugel s Yennayer

Aɣḍem-a yettbeggin-d učči amensay n yimaziɣen deg Libya yettwassnen s yisem Timeɣtal, d azamul n tenkelwit (prospérité). Ameskar n uɣḍem-a d Madɣis uMadi yettidiren deg Kanada.
Deg Lezzayer, nesfugul s yennayer ass n 12 « janvier ». Timmura-nniḍen n tefriqt n ugafa sfugulent s yennayer ass n 14 « janvier ».

vendredi 11 janvier 2019

jeudi 10 janvier 2019

Cacnaq I : Aferɛun Amaziɣ

Cacnaq I d Aferɛun Amaziɣ, yesbedd tadinastit tis 22 n Masser taqdimt. Yezga 21 n yiseggasen ɣef uqerruy n udabu n tgelda-s, seg 950 armi 929. 

Tafada n yimaziɣen tcudd ɣer tedyant-agi : 2969 = 2019 +950. 

Cacnaq d Amaziɣ n lɛerc n at Mecwec. D aferɛun awḥid yesɛan isem-is yettwabder deg udlis n sidna ɛisa (la Bible).

Yennayer, Tigemmi n talsa.

Yennayer yezmer ad yili d tamaɣṛa taqbuṛt nezzah n talsa i mazal-itt tedder ar iḍ-a di lqeṛn wis 21. Am wakken yella deg yinzi neqqaṛ-it « Seg wasmi tella yemmas n ddunit »d tamuddirt d-inesren i yakk tiwaɣiwin temmuger seg yimir ar ass-a.
Am tfarisit Nuruz tessimmir tadukkli n wemdan d ugama. D takniwin armi ssawḍent ad sfesxent amgired gar-asent di lqeṛn wis IX ttwaɣunzant di Landalus.
D acu kan yelha ma nesmekta-d d akken tuɣal d taɣerfant nezzah si taggara n lqeṛn yezrin ar ass-a, amedya timdinin tigafiwin n yilel n Lezzayer,
n tmanaɣt akk d yimezdaɣ ur naḥsib terza-ten temsalt imi ur ssawalen tamaziɣt u nutni mazal ṭṭfen deg-s...

Gar wansayen n Leqbayel : yennayer


Aḍris-agi yufrar-d deg temsizzelt n 20 yebrir, i texdem tiddukkla tadelsant Itri n Uzekka.

Gar wansayen n Leqbayel : yennayer

Yennayer d yiwen gar wansayen iqburen i aɣ-d-ǧǧan lejdud-nneɣ imaziɣen. Yennayer d azamul, d ansay, d amezruy. Yettili-d ...

mercredi 9 janvier 2019

Timsirin n tmaziɣt seddaw "Androïd" sɣur NUMIDYA



Timsirin n tmaziɣt sɣur Tiddukla Tadelsant NUMIDYA n Wehran yellan yakan s wasker uqqin, ffɣent-d daɣen seddaw « Androïd » ! Tzemrem ad tḍefrem baṭel timsirin-a ɣef usawal-nwen n ufus, yiwet yiwet, iwakken ad tlemdem izaduren n tjerrumt d ad tesnernim aswir-nwen n tira n tmaziɣt.

mardi 8 janvier 2019

Aselway d yimaslaḍen n tkadimit n tutlayt tamaziɣt



Grut ismawen n uselway d yimaslaḍen n tkadimit tazzayrit n tutlayt tamaziɣt i d-ibanen assagi s tɣara tunsibt. Nessaram kan ad igerrez leqdic-ines.