URAR N TKARḌIWIN

Asnas-a deg-s sin n wuraren deg yiwen : 1- Urar n tkatut (jeu de mémoire) 2- Urar n useɣti n tuccḍiwin tunnimin n tira (jeu de correction des fautes habituelles d’écriture). Amedya : ṭuccḍa (Mara), aseɣti-ines (Mi ara). 👉 Urar yebna ɣef kraḍ n yiswiren : ushil, alemmas d uweɛran. Yessefk ad tekfuḍ aswir iwakken ad d-yeldi uswir yellan nnig-s. 👉 Deg tazwara, fren (zzi) snat n tkarḍiwin ta sdeffir ta. Ma yella d tayuga yelhan, ad ttwakksent. Ma yella d tayuga ur nelhi ara, ad uɣalent akken llant. Kemmel akka alamma ttwaksent merra tikarḍiwin. Syin tzemreḍ ad tɛeddiḍ ɣer uswir-nniḍen. G.M. : Asnas-a d asnas Web, ileḥḥu ɣef merra isulal (iselkimen, isawalen n ufus Android d iOS, tifilin…) acku yetteldi deg yiminig (Chrome, Mozilla, Opera, Safari…). Win yebɣan assaɣ URL, ad as-t-id-fkeɣ.

[Inédit] IDIR - Tamaziɣt tella...

Isental n tmaziɣt – Akayad n lbak – 2008 ar 2025

Ay inelmaden n useggas aneggaru n tesnawit, atnan gar yifassen-nwen isental n tmaziɣt d yiseɣtiyen-nsen yerzan ikayaden n lbak seg 2008 ar 2025. Nessaram ad awen-ilin d asalel ara awen-yessifessen aheggi n yikayaden-nwen. Sujets de Tamazight avec corrections des examens du BAC de 2008 à 2025.

Uraret Timseɛraq !

Asnas-a, "Timseɛraq", tga-t-id yiwet n terbaɛt n yimnadiyen n Wammas n Unadi deg Tutlayt d Yidles Amaziɣ, yellan deg Bgayet. Iswi-ines d asnerni d usebɣes n wurar-agi n temseɛraq n lejdud, i tturaren yiqbayliyen d yimaziɣen s umata, seg tsuta ɣer tayeḍ, s waṭas n uskasi gar yiɛeggalen n twacult neɣ gar yimeddukal. Asnas-a, deg-s 2000 n temseɛraq yuran s teqbaylit d tefransist. Timseɛraq-a bḍant ɣef semmus n tiɣula yemgarraden : "Allalen", "Amdan d tudert taɣerfant", "Imɣan d wučči", "Amaḍal" d "Iɣersiwen”. S ufran n yiwet seg tiɣula-ya, yessefk ɣef umyurar ad d-yaf aṭas n tririyin i wakken ad iḥelli agmuḍ yelhan. Timseɛraq ḍefrent kraḍ n yiswiren : aswir isehlen (yiwen n yitri), aswir alemmas (sin n yitran) d uswir yuɛren (kraḍ n yitran). Tal tamezzuyt (aɛraḍ) n ferru n umazrar n temseɛraq ad tekfu ma yella tefkiḍ semmus n tririyin ur nelhi ara.

Isental n tmaziɣt – Tagezzult n ulmud alemmas – 2008 ar 2025

Ay inelmaden n useggas wis 4 n ulmud alemmas, atnan gar yifassen-nwen isental n tmaziɣt d yiseɣtiyen-nsen yerzan tagezzult n ulmud alemmas seg 2008 ar 2025. Nessaram ad awen-ilin d asalel ara awen-yessifessen aheggi n yikayaden-nwen.  Sujets de Tamazight avec corrections des examens du B.E.M. de 2008 à 2025.

Ay lḥif ɣas cfut !

- Nnan-d : Fransa texdem axessar deg Lezzayer. - Nniɣ-asen : Ih, d tidet. Maca azekka d 20 n yebrir, ur ilaq ad tettum ayen yeḍran deg tmurt n yiqbaylien iseggasen n 1980 d 2001...

Izwiren s tmaziɣt

Amawal n tusnakt (Tafsut uṭṭun 4 – 1984) yebna ɣef ussudem (dérivation) n talɣa d unamek maca daɣen ɣef usseqdec n yizwiren (préfixes) yesɛan aẓar amaziɣ. Ad tafem dagi umuɣ (liste) n yizwiren-agi…

Imeslayen inmidagen sɣur Said Bouda

Ammud-a s talɣa PDF n trastiwin n yimeslayen inmidagen nugem-it-id seg uɣmis n yimaziɣen. Ameskar-nsent d Mass Said Bouda i d-iseddayen yiwet n trasta yal arim. S teqbaylit timserreḥt akked kra n wawalen atraren, yessaweḍ Mass Bouda ad d-yerr s annar tameslayt s wurar. Zemren ad ilin yimeslayen-a inmidagen d allal n ulmud s wurar n tmeslayt i yinelmaden, am wakken i zemren ad ilin d tasarut i yimeqqranen i yettnadin ɣef yinumak n wawalen iqburen. Mass Said Bouda yessuffeɣ-d  daɣen tisɣunin n yimeslayen inmidagen s teqbaylit ara tafem deg tnedlisin n Tizi Uzzu s wazal meẓẓiyen maḍi.

Azrar-nneɣ YOUTUBE

Powered by Curator.io

Amnir n tusnakt

Deg umnir-a n 115 n yisebtar, ad tafem 11 n yixfawen : Tigrummiwin n yimḍanen (Les ensembles de nombres) - Aljibr (L’algèbre) - Tanzeggit (La géométrie) - Asektiɣmer (La trigonométrie) - Isirwan d yimguccal (Les matrices et les déterminants) – Imawayen (Les vecteurs) - Tanzeggit tusliḍt (La géométrie analytique) - Asiḍen aneẓlay (Le calcul différentiel) - Asiḍen uɣrid (Le calcul intégral) – Isurta (Les séries) – Taseqqart (La probabilité)…

Anekcum ɣer wunuɣ amguran (Introduction au dessin industriel)

Deg teftart-a n 90 n yisebtar, ad tafem 12 n yixfawen : Asenked n wunuɣen (Présentation des dessins) - Iglan (Perspectives) – Tagensest taɣedudemt (Représentation orthographique) – Iluɣma (Exercices) - Amlazal (Cotation) – Igzamen (Coupes) – Tigezmin (Sections) - Addaden n tjumma (Etats  de surface) – Anagraw n tsurfiwin (Système de tolérances) – Isegrawen yettwaleqqmen (Ensembles soudés) – Isseɣzal (Filetages) – Talɣiwin titwilanin (Formes techniques) …