Yekker-d Rebbi yiwen wass
Yenna-yas rju tura
Wigi ittsuɣun kul ass
Ad waliɣ ma ur ngiren ara
Ayen yellan d nekkini
A Rebbi sel-d i tagi
a Rebbi sel-d i tagi
Ma ẓriɣ d acu bɣan wigi
Dɣa atak a Rebbi kkes-iyi
A Rebbi ɣas kkes-iyi
Ugin ad fehmen abuh
Yeɛdel wass-a d yiḍelli
I tura ad d-nini mmuh
Neɣ acu tebɣam ad d-nini
Mačči d nekki i ken-ikessen
D widak-nni seddaw-i
d widak-nni seddaw-i
Ma ur kkiseɣ kra deg-sen
Dɣa atak a Rebbi kkes-iyi
A Rebbi ɣas kkes-iyi
Ziɣ diri mi nessusum
Armi i as-nnan nettikki
Amcum akked umcum
D widak-nni ɣef ukersi
Ahaw ihi qqaret-asen
i ten-yessulin d Rebbi
I ten-yessulin d Rebbi
Ma ssuliɣ nekki Rebbi-nsen
Dɣa atak a Rebbi kkes-iyi
A Rebbi ɣas kkes-iyi
S tidet dɣa i tettẓallam
S iqudam llaẓ-nni
Ɣef medden kullec d leḥram
Fell-asen ziḍ i wučči
Ufan anda smussusen
Awal n Sidi Rebbi
awal n Sidi Rebbi
Ma fehmeɣ lluɣa-nsen
Dɣa atak a rebbi kkes-iyi
A Rebbi ɣas kkes-iyi
Ay ulli inehher wayeḍ
Wa s lebɣi wa nnig lebɣi
Mi d-yekker yiwen yesseḍ
Ad ten-imekken s imenɣi
Allah wakbar rebbi yid-sen
A win iṭṭfen igenni
a win iṭṭfen igenni
Ma ur as-briɣ fell-asen
Dɣa atak a Rebbi kkes-iyi
A Rebbi ɣas kkes-iyi
Ad yexlu Rebbi axxam-is
Win yetturaren yes-i
Win iwumi zeddig wul-is
D winna i d aḥbib Rebbi
Tura ad rewleɣ nekkini
Amer imucaren-nni
amer imucaren-nni
Ma kecmen lǧennet wigi
Dɣa atak a Rebbi kkes-iyi
A Rebbi ɣas kkes-iyi
Aucun commentaire :
Enregistrer un commentaire