netoops blog
>>> Bienvenue ! Ansuf Yis-wen ! ⴰⵏⵙⵓⴼ ⵢⵉⵙ-ⵡⴻⵏ <<< Tamaziɣt, tella, ad tili, ass-a, azekka... i lebda ! <<< Deg webrid n Dda Lmulud, negzem (awi yufan ad tilim s yidis-nneɣ) macci kan ad neḥrez tutlayt d wedles n yimaziɣen s umata maca ad aten-nesnerni.
I kečč a Lwennas. Ma ara ṭṭlam yesseblaɛ tafat s uslifeẓ n ticurkeḍt d nḥeddeṛ s terẓeg i uleqqem imciṭen n tmagit tagimseggast, syin amyi yettuɣal d tilawt. Imcumen-agi tteḥqaren-aɣ yal taswiɛt. Nugi ad neknu. Aleqqem yugi ad yaɣ segmi iɛuraf ṭerḍiqen s urured n tuddert yettwaxnaqen. Ur nesteɛfuy ara alama nedder d yiman-nneɣ d ḥebsen imerawen-nneɣ aneqleb deg iẓẓekwan-nsen. Tabawt tesfqaɛ-aɣ alama teglad s lmut. Tinififtin n ẓẓif-nneɣ ttwamerretent. Maɛtub Lwennas, tcennuḍ s ubeɛzeq ayen ḥulfan atmaten-ik s tsusmi. Immi nella d tiɣtas n yiwen unagraw anda awal tilleli yesɛa anamek : tilleli i kra n yemdanen ad melken wiyaḍ. Kečč d aselɣar i wul yettwarzen. D anza yeddren n lebɣi-nneɣ ad neqqim nbedd. Ccna yekka-d seg ẓẓif-inek, taɣuct-ik i icuffen s zzɛaf d wurfan teseḥmay-aɣ iɣsan. ---------- Nettxayal Tawes Amruc d umeṭṭraḍ anumidi mi tzegger igenwan n tmurt-nneɣ. Syin akin ticraḍ n tyemmatin-nneɣ ttuɣalent d tidet tamagdezt. Ulac ayen nniḍen yessnen neɣ izemren aɣ-yenher. Lwennas, tesmektiḍ-aɣ-d s tumert belli ɣas uzlen idamen, aẓar yettwaxlaf. Ulac alugen n ugama yugaren wagi. Aḥaweṣ n tlelli-nneɣ sɣur imesḥaf-agi i ɣ-iḥekmen yerra aɣref-nneɣ amzun ttaqeḍɛit n lmal yuḍnen anda wid iffazen ɛaṛqen, ussafen neɣ ttwarnan, wid menwala uɣen taggamaḍt n yitran yettcririqen. Rru a yul. Ccnu-yasen a Lwennas belli tugdut d aram amezwaru deg imawen-nneɣ, neṭṭeḍ-itt seg yidmaren n tyemmatin-nneɣ. Ccnu-yasen fud-nneɣ n teɣdemt d weɣram. Ccnu, a Lwennas, ccnu ! Ɛni amedyaz yezmer ad yemet ?

vendredi 2 décembre 2016

[Inédit – Exclusif] Tasɣunt Asmazaɣ - Uṭṭun 3 – Meɣres 2966 – 2016

Akun neɛreḍ ad teɣṛem uṭṭun wis-kraḍ n tesɣunt nneɣ tamaynut Asmazaɣ  (Nous vous invitons à découvrir le troisième numéro de notre nouvelle revue Asmazaɣ - Le berbérisant).  Tasɣunt-agi nebɣa ad-nejmeɛ degs tiɣawsiwin d isufar i waken anɛiwen wid yebɣan, am nekni, ad-lemden tamaziɣt d ad-issinen adlis d umezruy-nsen.
Uṭṭun-agi degs ameslay ɣef ilugan imezwura n tira, tafekka, iɣsan, iḥulfan, tufrayin, akud, ussan, lḥirfat, taqendurt, aẓeṭṭa, ifṛax, anẓar, timecreṭ, tassirt bbaman, tafelwit n Mendeleïev d unagraw afukan. Degs daɣen tajmilt i tmeṭṭut taqbaylit.

Télécharger la revue Asmazaɣ - Uṭṭun 3 - Meɣres 2966 – 2016 – PDF 24 pages


Deg webrid n Dda Lmulud, negzem (awi yufa ad tilim s-yidis-nneɣ) macci kan ad-neḥrez tutlayt d wedlis n yimaziɣen s umata maca aten-nesnerni.

Tanemmirt s tusda i wid iɣ-yezwaren deg unnar-agi ladɣa wid ara yɛeqlen leqdic-nsen deg tesɣunt-agi. Neḍmaɛ ad-aɣ-surfen ma ur ten-d-nebdir ara meṛṛa. Tigunatin d yeḍrisen d-agla n yimeskaren-nsen.


N.B. : Nous avons le regret de vous informer qu’en raison de l’ampleur du travail et du temps que nécessite la préparation d’un numéro de la revue Asmazaɣ et comme il n’y a qu’une même et seule personne derrière le blog et la revue, les prochains numéros paraîtrons probablement sur une base trimestrielle voire semestrielle. Aussi, vos commentaires et votre contribution sont souhaités et seraient les bienvenus.

2 commentaires :

  1. Toutes mes felicitations pour votre magnifique travail.Bon courage et bonne continuation

    RépondreSupprimer
  2. tanmirt t-amoqrant a gma afud igerzen di laqdic aki ma yela kkra s ad 3iweneg aqlin daki wina0026@gmail.com

    RépondreSupprimer