30 ɣuct : Ass agraɣlan n wannay n yimaziɣen

Annay n yimaziɣen deg-s kraḍ n yisura iglawanen yesɛan yiwet n tehri (azegzaw, aḥcayci, awraɣ) d usekkil Z (ⵣ yaz s tifinay) s uzeggaɣ. Yesnulfa-t-id Ugraw n Yimaziɣen deg useggas 1970.

Yal ini yettbeggin-d yiwen seg yiferdisen n Tmazɣa, akal n yimaziɣen (Tafriqt n ugafa).

💙azegzaw yeqqen ɣer yilel agrakal d ugaraw aṭlantiki.

💚aḥcayci yeqqen ɣer tgama d yidurar.

💛awraɣ icudd ɣer yijdi n unezruf n sseḥra.

❤️asekkil ⵣ «aza» neɣ «yaz» n ugemmay n tifinaɣ s uzeggaɣ, d azamul n urgaz ilelli amaziɣ. Ini n tuddert maca d ini n uzbu daɣen.

👉30 ɣuct : D ass agraɣlan n wannay n yimaziɣen. 

👉Msefhamen yimaziɣen ɣef wannay-nsen ass n 30 ɣuct 1997, deg temlilit tameqqrant n Ugraw Amaḍlan Amaziɣ (CMA) i d-yellan deg tegzirin Tikanariyin.

👉Akal * Awal * Afgan : D tanfalit n yimaziɣen.