AWAL YESƐA BAB-IS !

Tadyant-a, i d-yettbegginen abruy seg tesnalest (tazrawt n tsekta tanmettit n umdan) taqbaylit, yeḥka-tt-id Muḥemmed Arkun s timad-is. Yura-tt daɣen s tefransist deg udlis-ines « Humanisme et Islam : combats et propositions » s uzwel « Avec Mouloud Mammeri à Taourirt Mimoun : de la culture orale à la culture savante ».  Deg useggas 1952, yexdem Muhemmed Arkun yiwen usarag i iɛeǧben aṭas medden ɣef tegnit n tmeṭṭut deg tmurt n leqbayel d wamek i ilaq ad tbeddel fell-as. Azekka-nni mi yesla, Dda Salem yerfed taɛekkazt-is deg lqahwa sdat medden, iwehha-tt ɣer Muḥemmed Arkun, yenna-yas...

• A mmi-s n Lwennas At Waɛrab ! Anwa i ak-iɛemden ad d-neṭqeḍ gar lɛerc n Wat Yenni mebla ma truḥeḍ-d ad iyi-d-teseqsiḍ amek i ilaq ad theḍreḍ ?  Ma llan leḥdur ad ten-yini walbɛeḍ i lɛerc n Wat Yenni, ilaq d DADDA-K Salem ara ten-id-yinin mačči d keččini a mmis n Lwennas At Waɛrab n WAT WADDA ! Ma llan leḥdur ad ten-yini walbɛeḍ i lɛerc n Wat Yenni s taɛrabt, ilaq d DADDA-K Lwennas ara ten-id-yinin. Ma llan leḥdur ad ten-yini walbɛeḍ i lɛerc n Wat Yenni s trumit, d DADDA-K Lmulud ara ten-id-yinin. Kečč tezwareḍ s awal sdat at wawal, cwi-kan baba-k urǧin yeffiɣ i ubrid, hatan ihi ad k-wessiɣ ad tiliḍ kan deg ubrid-is axir-ak.

---------------------

Mmi-s n Lwennas At Waɛrab : Muhemmed Arkun

Dda Lmulud : Mulud At Mɛemmer

Dda Salem : Salem At Mɛemmer, baba-s n Dda Lmulud, d lamin n taddart.

Dda Lwennas : Lwennas At Mɛemmer, gma-s n Dda Salem, yesselmed taɛrabt i warraw n ugellid Muḥemmed V n Lmerruk.

AKKED MULUD AT MƐEMMER DEG TEWRIRT MIMUN - PDF

Ad tafem tameẓrut temmed dagi : https://youtu.be/Sl4UGS-x434

Tanaga n Muḥemmed Arkun ɣef Mulud At Mɛemmer (Takfarinas Nait Chabane) : https://youtu.be/gOYZ-4QWMQ4