NUNEMBER !

 

Nunember

---------------------------------------------

Ulamma ẓriɣ novembre-agi c’est dépassé

Ad t-id nawi comme-même allez

Nunember yerra-d axbir

Yebrez abrid d amellal

Medden ɣilen d tmesxir

Ma d irgazen rrẓen awal

Aql-aɣ la t-id-nettfekkir

Ar tura la d-yessawal

Ar tura la d-yessawal

Mbaɛid la d-yeggar tiɣri

Ad as-tiniḍ yebɣa ad d-yuɣal

Nekni d ayen i nettmeni

Ma yeqqim-d kra n wawal

Ar ass-a mazal tefri

Ar ass-a mazal tefri

Anda i aɣ-yeǧǧa i aɣ-mazal

Yiwen yuɣ ula d Rebbi

Wiyaḍ yerra-ten d lmal

Wigi ugaren arumi

Ur yid-sen ad nemyeqbal

Ur yid-sen ad nemyeqbal

Ur yid-sen sslat nnbi

Ssnen kan tinna n wuzzal

Tinna n wuzzal ad d-tezzi

Yerna ad mecḥen akal

S wass-is akked kunwi.

------------------------------

Seg tesfift tamezwarut n Muḥya i d-yefɣen deg meɣres 1979