Anwa ara nesseḍlem ?

Llan aṭas deg-neɣ i d-yeqqaren : « Ad d-mmeslayeɣ neɣ ad d-aruɣ s teɛrabt neɣ s tefransist iwakken ad gzin merra. ». Maca mi ara d-iban uberrani i ilemden tamaziɣt, ad as-nini : « Wagi mačči am wigi yettidiren yid-neɣ acḥal aya ! ». Amek tebɣam ad tt-lemden ? Tikwal, ɣas gar-aneɣ kan, nettmeslay neɣ nettaru s teɛrabt neɣ s tefransist...

Walaɣ yiwet n tmeẓrut (tabidiyut) ɣef yiwen n uɛerbawal yeddren, ixedmen deg Tizi Uzzu azal n 15 n yiseggasen, ur yelmid ara ula d yiwen n wawal n teqbaylit ! D netta ara nesseḍlem ? Ur cukkeɣ ara, nettmeslay-as s teɛrabt, yettara-d s teɛrabt.

Amedya-nniḍen : Imi i ten-terra tmara, ula d iɛerbawalen ṭṭafaren timliliyin n ddabex n uḍar i d-yettɛeddayen kan deg umaṭṭaf TV4 s uwennit n tmaziɣt.

Ayagi yettbeggin-d belli ugur sɣur-neɣ i d-yekka. Ihi, win yebɣan ad tseggem, ad iseggem iman-is. Yessefk ad nemmeslay, ad naru s tmaziɣt deg merra tignatin. Win ur negzi ara, d awezlu-ines (ccɣel-is). D netta ara inadin amek ara yegzi.

Amedya :