Ad-aruɣ wer tecḍiwin*

Win ur nelmid ara tamaziɣt, yettaru akken isusruy, akken yettmeslay. D ayen i t-yettaǧǧan ad yaru s waṭas n tuccḍiwin. Tuccḍiwin tunnimin yeggten ɣur yinelmaden d wid yettarun s tmaziɣt s umata rzant : tizdit (20%), tira n teɣra (17%), tamsertit (16%), tussda (10%), imataren udmawanen (8%), tazelɣa n wurmir (8%), addad amaruz (5%). Win ara yegzin ladɣa tira n teɣra, tizdit, tamsertit… yezmer ad yesnerni aswir-ines n tira s waṭas. Win i innumen yettaru akken isusruy, akka : « Weqbel attegrem asurif, attezewrem nif. Ma wlac Tamazight, wlac wlac wlac… ». S teftart-a d cwiṭ n lebɣi d wussis, nesaram ad yesnerni aswir-ines deg tira. Ad yaru akka : « Uqbel ad tegrem asurif, ad tzewrem nnif. Ma ulac Tamaziɣt, ulac ulac ulac… ». G.M. : Nɛemmed tira n uzwel n teftart-a s tuccḍiwin iwakken ad yedduqqes win ara t-yeɣren. Nessaram d ayen ara t-yeǧǧen ad iɣer taftart-a d ad yesseqdec ayen i d-yeddan deg-s.

Ssidret taftart « Ad aruɣ war tuccḍiwin » - PDF