Muḥya - Yerna dessen

 

Muḥya - Yerna dessen - Tasfift tamezwarut - Meɣres 1979 - Les traine-misère - Jean-Baptiste Clément

--------------------------------------------------------------------------------------

Rwan lḥif dayen kan
Ziḍ-it am yizamaren
Di tmura ur ǧǧin amkan
Tamara i ten-zuɣuren
Yerna ttɣennin yerna dessen
Amer anida ttaysen

Caben mazal meẓẓiyit
Kulwa anida yewḥel
Sebren i laẓ tawaɣit
Ṭṭafaren aɣrum ireggel
Rnan remḍan yerna dessen
Amer ad yeglu yes-sen

Mačči yiwen mačči sin
Ayen din d ilulufen
Ur iban ma d tiweḍfin
Neɣ dɣa atak d irgazen
Yerna nettben yerna dessen
Iwakken ad tdum fell-asen

Ur yelli wacu kesben
Ad as-nini ad mmten fell-as
Kesben kan snat wallen
Iwakken ad ttrun kullas
Yerna ad azzlen yerna dessen
Ad d-ḥyun tamurt-nsen

Winna i d-yusan ad ten-yelles
Anda lulen i ttmettaten
Taqsiḍt mačči ad teḥbes
Imecṭuḥen ad as-kemmlen
Yerna nṭerren yerna dessen
Rebbi ad yili yid-sen

Niqal ad xemmen ciṭuḥ
Ad msefhamen gar-asen
Amer ad beddlen leryuḥ
Zemren ma yehwa-yasen
Nniɣ-asen fell-i ay dessen
Uɣaleɣ nekk d aɛdaw-nsen.