Muḥya - Ad ɣreɣ di lakul

 

Ad ɣreɣ di lakul - Seg tesfift tamezwarut n Muḥya i d-yefɣen deg meɣres 1979.

--------------------------------------------------------------------------------------

Ad ɣreɣ di lakul
Iḍelli kan i d-nlul
Yečča-iyi baba am uwtul
Ifka-yi ur d-yiɣull
Ad ɣreɣ di lakul

Ad ɣreɣ di lakul
A yemma ad akem-ǧǧeɣ lḥasul
Ulamma tugiḍ ay ul
Inher-iyi baba s rrkul
Ad ɣreɣ di lakul

Ad ɣreɣ di lakul
Di trumit nesmeckukul
Tura dayen d lefḥul
Ssneɣ ad d-iniɣ lful
Ad ɣreɣ di lakul

Ad ɣreɣ di lakul
Mačči am izgan yemmul
Ma ulac ad d-neffeɣ d aɣyul
Ad aɣ-d-stixxren war nennul
Ad ɣreɣ di lakul

Ad ɣreɣ di lakul
Deg uqerruy tettenxuxul
Am winna yeččan aḥlul
Ma d nekk zgiɣ d amerḥul
Ad ɣreɣ di lakul

Ad ɣreɣ di lakul
Tura abrid-iw iḍul
Haca ass-nni mi neggull
Tuɣalin yerreẓ uqessul
Ad ɣreɣ di lakul

Ad ɣreɣ di lakul
Saḥḥa ur nessin i lmul
Nettaɣ awal i uṭermul
D netta i ibeṭṭun aḥbul
Ad ɣreɣ di lakul

Ad ɣreɣ di lakul
Fkiɣ-as udem-iw mellul
Tura nettu anda nlul
Nenza nekni nettmuqul
Ad ɣreɣ di lakul

Eh oui ad ɣreɣ di lakul
Mbaɛid ad d-nettmuqul.