[AMAYNUT] Imḍanen s tmaziɣt – Tasenfelt 2.0

Attan ɣur-wen tasenfelt (version) 2.0 n useɣẓan (logiciel) seddaw Windows yerzan tira tawermant (automatique) n yimḍanen gar 1 d 999 999 999 s yisekkilen n tlatinit. Selkem-t (exécuter) afaylu (fichier) « Les nombres en Tamazight 2.0 setup.exe » i usbeddi n useɣẓan ɣef uselkim-nwen.

Ssidret Imḍanen s tmaziɣt – Tasenfelt 2.0

• Iwakken ad nessali aseɣẓan-agi nesseqdec ar tama n zzmamat-nniḍen adlis « Asegmek s tutlayt tamaziɣt ». Adlis-agi yessexdem aṭas tanzeɣt « d » i wakken ad iccud gar yeḥricen n umḍan (amedya : 3 211 659 = kraḍ imelyan d snat twinas mraw yan igiman d sḍist twinas d semmust tmerwin d tẓa). Nekni nwala belli tanzeɣt-agi ur d-tettawi ara ayen i izaden yernu tessaẓẓay tira d tɣuri n umḍan, daymi ur tt-id-nsedda ara.
• Nezmer ad naru imḍanen sennig 999 999 999 ma nesbedd belli 1 000 000 000 ad t-naru « amelyar - imelyaren », syin akin ad neḍfer acrured n tira n yemḍanen n useɣẓan-agi d win n merra tutlayin yettwarun s yisekkilen n tlatinit. (amedya : 123 654 732 680 = tawinest snat tmerwin kraḍ imelyaren …).