 | Tifyar-a neddem-itent-id seg TATOEBA. Tatoeba d talkensit (collection) n tefyirin d tsuqqilin-nsent. Yal yiwen yezmer ad yekki deg-s, ad yessuqqel tifyirin seg tutlayt ɣer tutlayt-is neɣ ɣer tutlayt-nniḍen. Yezmer daɣen ad d-yeddem tifyirin ara yesseqdec deg usenfar-ines. Tutlayin merra sɛant yiwen n wazal deg Tatoeba... |
Tatoeba d taffa n yisefka (base de données) tameqqrant n tefyar d tsuqqilin-nsent. Agbur-is yezga yettimɣur, yekka-d seg twiziwin n yigiman n yimttekkiyen.
Tatoeba yettmuddu-d afecku (outil) ara ak-yeǧǧen ad twaliḍ imedyaten ɣef wamek ttwaseqdacen wawalen deg tefyirt. Tzemreḍ ad tnadiḍ awalen i ak-yehwan, ad ak-d-imudd tifyar ideg llan wawalen-a s tsuqqilt-nsent deg tutlayin i tebɣiḍ.
Isem Tatoeba (anamek-is : “i umedya” s tjapunit) yettbeggin-d tikti-ya.
Asenfaṛ yesnulfa-t-id Trang Ho deg 2006, niqqal yella deg Sourceforge s yisem n “multilangdict”.
Merra Iqbayliyen d Yimaziɣen s umata i iqedcen neɣ ara iqedcen deg Tatoeba uklalen asnemmer d ameqqran.
ⵜⴰⵏⴻⵎⵉⵔⵜ
RépondreSupprimer