Celine Lachemot tecna Muḥya

Céline Lachemot terra tajmilt i Muḥya, tecna " Muḥ n Muḥ" i yecna yakan ugraw Djurdura.

Muḥ n muḥ (Pauvre Martin - Poésie de Georges Brassens)

Seg tesfift tamezwarut n Muḥya i d-yefɣen deg meɣres 1979

--------------------------------------------------------------------------

A Muḥ n muḥ ewt aqabac

Si zik n zik tabɛa ulac

Aqabac ɣef tayet-is

Rebbi yerza s ul-is

Yezga yetnewwa

Zik i irfed iman-is

Akken ad isubb ɣer lexla

Ad inɣec timeɣrusin

Ad ifres akk tizemrin

Ini-yas kan yya

Ad ak-d-icrew tiselnin

Ad ikrez ma d tayerza

Aṭas i yeswan tidi-s

Ileqqed deg wussan-is

Anebdu ccetwa

Akken ad d-yessis aɣrum-is

Aɣrum n tmara daya

Ur as-tselleḍ yettusu

Neɣ ad yeḍs neɣ ad yettru

Lukan am netta

Ur yettasem ur ireffu

Ur yettawi seg wa ɣer wa

Asmi yewweḍ tameddit

Yečča ayla-s di ddunit

Yenser s tuffra

Aqabac-nni yeddem-it

Iruḥ ad iɣez aẓekka

Iruḥ ad iɣez aẓekka-s

Mazal yettnaɣ yiḍ d wass

Isenned itekka

Yugad ad lumen fell-as

Ulac win iwumi yenna

A muḥ n muḥ ṭṭess tura

Si zik n zik ulac tabɛa