Izerfan n ugrud s tmaziγt

Deg leqdic i d-yesker usqamu unnig n timmuzɣa ladɣa deg wayen yerzan arraten unsiben d wid i tenstenya tmurt n Lezzayer ladɣa deg wayen yerzan izerfan n umdan s umata, ilmend n usfuggel n wass agraɣlan n tgerda i d-yettilin yal aseggas deg umenzu n wayyur n Yunyu, yessufeɣ-d Usqamu Unnig n Timmuzɣa s umyalel n Ugmam Aɣelnaw n Umesten d Usnerni n Tgerda (ONPPE) tasuqilt n usaḍuf 12-15 n 15/07/2015 yerzan amesten n ugrud deg tmurt n Lezzayer...

Tasuqilt-a i tt-ixedmen d sin n yisdawanen i iqeddcen akked Usqamu Unnig n Timmuzɣa, wi d Mass Meqran Cixi akked Mass Nabil Mehdiwi.
Akken ad d-nesmekti, asaḍuf-a i d-yeffɣen deg uɣmis unṣib s tutlayt n taεrabt d tefransist, yugem-d aṭas n yimenzayen seg Umtawa Agraɣlan n yizerfan n ugrud i d-tessufeɣ tuddsa n UNESCO.
I wid yebɣan ad ɣren ayen yellan deg usaḍuf-a, tzemrem ad t-tafem d adlis n lkaɣeḍ ɣer Usqamu Unnig n timmuzɣa neɣ s talɣa tumḍint da :

Zedmet Asaḍuf 12-15 n 15/07/2015 yerzan amesten n ugrud tmurt n Lezzayer - PDF