Iwellihen n temlilit tagraɣlant ɣef tsegda tamaziɣt

Grut iwelihen n temlilit tagraɣlant ɣef tsegda tamaziɣt i d-yesuddes Usqamu Unnig n Timmuzɣa akked Tdukla Taɣelnawt n Yiselmaden Isdawanen n Tsegda i d-yellan ilmend n usfugel aɣelnaw unṣib s yennayer 2969 i d-yellan deg yiɣrem n yidles Ɛebdelkrim Dali n Tlemsan deg wass n 15 /01/2019 s usentel : “ Iẓuran, tuggta d tdukli “…

Ɣer taggara n temlilit tagraɣlant ɣef tsegda tamaziɣt i d-yesuddes Usqamu Unnig n Timmuzɣa akked Tdukla Taɣelnawt n Yiselmaden Isdawanen n Tsegda i d-yellan ilmend n usfugel aɣelnaw unṣib s yennayer 2969 i d-yellan deg yiɣrem n yidles Ɛebdelkrim Dali n Tlemsan deg wass n 15 /01/2019 ddaw n leɛnaya n uselway n tegduda Mass Ɛebdelɛaziz Butefliqa s usentel : “ Iẓuran, tuggta d tdukli “, ffɣen-d yimttekkiyen s yiwellihen-a :

1. Aheggi n uɣawas imsezdi gar yiɣlifen terza temsalt ilmend n ubraz d useqwem n wadgen iɣermanen iqburen i wakken ad uɣalen d isenfaren i tmerrit, aya ad d-yili d asurif amezwaru i useḍru n wahil n useggas n tgemmi tamaziɣt;
2. Asuget n temliliyin yecban tayi deg lwilayat-nniḍen n tmurt ilmend n tukci n wazal i meṛṛa iferdisen n tgemmi tasegdant taqburt d tneslemt s uttekki n tsudwin tuzzigin akked tmetti taɣarimt. Asuddes n tedwilt tis snat n temlilit deg lwilaya n Nɛama qbel taggarra n useggas 2019.
3. Asidef n uselmed n tsegda tamaziɣt deg wahilen n uselmed unnig d unadi ussnan akked usekcem n yiferdisen n tgemmi tasegdant deg yidlisen iɣurbizen;
4. Aḥerkel i uslali n tayunt n unadi tuzzigt deg tgemmi n tsegda tamaziɣt i meṛṛa tawsatin-is ɣef uswir aɣelnaw deg usurif n tazwara, syin ɣer-s ad d-yili usezdi n tmura-nniḍen n Tmazɣa ilmend n useḍru n umawal uzzig ara yesdakklen tasniremt n tsegda d tigin n yiwen n Waṭlas Amazɣan ideg ara ttwajerden yidgen isegdanen yesɛan udem n yal tamnaḍt.