"Lmed Tamaziɣt" sɣur KEBIR Boussad

I wid yebɣan ad lemden Tamaziɣt, tutlayt n tyemmatin-nneɣ, hatan ger yifassen-nwen yiwen n wedlis seg tazrart n kkuẓ n yedlisen sɣur KEBIR Boussad i nessaram ad awen-yili d asalel ara awen-yessifessen almad n tutlayt-nwen. Ma nedda deg ubrid-a, ɣas yessawen yerna yenneḍ, awwaḍ ad naweḍ. Ahaw ihi, aql-aɣ nettkel fell-awen.

Ssidret Lmed Tamaziɣt - KEBIR Boussad - 206 isebtar

Adlis-agi n 206 isebtar i issema “Amawal” deg-s kraḍ n yeḥricen :

1. Amawal anagrawan : deg-s ad tlemdem asileɣ n wawalen s ubrid n usuddem d usuddes.
2. Amawal n usentel : deg-s ad tlemdem amawal yerzan kra n yisental idelsanen, yecban : talaɣt, azeṭṭa, takerza, amzil d umawal yerzan kra n temsal i d-icudden ɣer tmeddurt-nneɣ n yal ass akka am yimḍanen, tinilwin, tafekka n umdan…
3. Amawal ilan assaɣ d kra n tmeṣkiwin n yiḍrisen : akka am wullis, aglam, tabrat, asfukel…