netoops blog
>>> Ansuf Yes-wen ! ⴰⵏⵙⵓⴼ ⵢⴻⵙ ⵡⴻⵏ <<< Ma ulac Tamaziɣt, ulac ulac ulac...
 Sbeddet asnas Tala uMaziɣ_1_1.0 deg usawal-nwen Android. Tala uMaziɣ deg-s ugar n 600 n yimagraden, 50 n yimawalen, 100 n yidlisen, 35 n yiseɣẓanen ...

dimanche 10 septembre 2017

Beccer iruḥ ccer …


Zik, deg tmurt n Leqbayel, mi ara yeɛḍes yiwen, ur s-qqaren la "A tes souhaits", la "Yerḥamu-ka llah". 
Zik, qqaren : "Beccer iruḥ ccer … "


Yella anda qqaren "D abeccer ad iruḥ ccer, ad yezger agemmaḍ i lebḥer, ad d-yawi ddegla d ttmer, ad t-yečč mmi ad yiɣzif leɛmer".

Anda nniḍen qqaren : " Iruḥ cceṛ-ik, izzi-d lxiṛ-ik".

Qqaren daɣen : "D abeccer, Iruḥ ccer, ad d-yawi lḥenni d ttmer. Lḥenni i bubusin, ttmer i tmimicin"

Talɣa nniḍen : "Beccer iruḥ ccer, yewwi-t uɛrab imqecceṛ". Imi aɛrab ala ccer i d-yewwi, ala ccer ara d-yessegri.

Tanemmirt i yimeddukal i ɣ-d-yesmektan deg wayla-nneɣ !

Wissen ma tzemrem ad ternum ayen nniḍen ?

1 commentaire :

  1. Anonyme14 septembre 2017 à 19:06

    Azul, di tazwara, tanemmirt ay admin ɣef weqdac-ik.
    Nek°ni neqqar: "Ttebceṛ, iruḥ cceṛ, yezger akin i lebḥer, [.......] ur t-yẓer/t-tẓer".
    Deg webdil n [.......] err d isem n win/tin ay d-yɛeḍsen.

    RépondreSupprimer