 |
Ansuf yis-wen ɣer yikufan n Tala uMaziɣ !
S-ya ɣer zdat ad neččar, cwiṭ cwiṭ, ikufan-agi s wallalen icudden ɣer tutlayt, idles d umezruy n yimaziɣen. Nebda-d s tsesfarin d yizeṭṭa n wawalen neɣ yimeslayen inmidagen. Walit ayen yellan ar tura deg yikufan n Tala uMaziɣ d uɣalet-d i wakken ad tafem ayen nniḍen.
Amaynut -> Ilugan n tira : 16
|
 |
Ar tura, deg yikufan :
|
Tzemrem daɣen ad terzum ɣer Ikufan n Tala umaziɣ s webrid-agi :
Adrar d aɛessas nneɣ, tala d tudert nneɣ, akufi d tijji i tarwa nneɣ.
RépondreSupprimerAnsuf yis-wen ɣer (y)Ikufan1 n Tala uMaziɣ !
S-ya ɣer zdat ad neččar ikufan-agi s tirni n2 wallalen icudden ɣer tutlayt, idles d umezruy n yimaziɣen.
Nebda-d3 s tsesfarin d uzeṭṭa n wawalen neɣ n2 yimeslayen1 inmidagen. Uɣalet-d3 i wakken4 ad tafem ayen nniḍen.
Timsirin icudden ɣer wagul :
1 – Isem.
2 – Tinzaɣ, tisɣunin.
3 – Tizdit, amyag, tizelɣiwin n tnila.
4 – Imesli ussid.
Afud igerrzen
Tanemmirt s tussda ɣef uwennit-inek. Ma ulac aɣilif, xas rnu-d wiyaḍ.
Supprimer1- Ilugan n crb-inalco : yezmer ad yili s i neɣ s y.
2- S tirni neɣ s unerni = "progressivement".
Tanemmirt i tikelt nniḍen !
1- yewwet-iyi s afus = "à la main"<----Anida? ɣer wacu?
RépondreSupprimer2- yewwet-iyi s ufus = "avec la main"<----S wacu?
Ha-tt-a tidmi-iw ɣef uẓeɣẓen n Yimaziɣen :
Ad neččar. D acu?
Ad neččar ikufan-agi. Amek? neɣ S wacu?
Ad neččar ikufan-agi s usfari(progressivement). N wacu?
Ad neččar ikufan-agi s usfari n wallalen. Anwa allalen?
Ad neččar ikufan-agi s usfari n wallalen i icudden...
Awal-iw yelha, leqdic-ik yif-it
D tidet awal-ik yelha maca nekk akka i walaɣ :
SupprimerAd neččar ikufan-agi. Amek ? ---> S unerni neɣ s usfari neɣ cwiṭ cwiṭ
Ad neččar ikufan-agi. S wacu ? --->S wallalen
Ad neččar s unerni ikufan-agi s wallalen….
= Ad neččar cwiṭ cwiṭ ikufan-agi s wallalen….
Tanemmirt.
Imi akken, d acu tenniḍ ma nerra-tt akka :
RépondreSupprimerTirni, anerni, asfari ---> D ismawen.
Cwiṭ ---> D amernu.
1-Sya ɣer zdat, ad neččar ikufan-agi s terni (unerni, usfari, tmerna) n wallalen i d-icudden ɣer : tutlayt, idles d umezruy n Yimaziɣen.
2-Sya ɣer zdat, ad neččar ikufan-agi, cwiṭ cwiṭ, s wallalen icudden ɣer : tutlayt, idles d umezruy n Yimaziɣen.
Ikufan : …d asemmad usrid.
Terni(tirni) : …d asemmad s tenzeɣt.
Wallalen(allalen) : …d asemmad n yisem deg tmezwarut, d asemmad s tenzeɣt deg tis snat.
Cwiṭ : d amernu n tesmekta. Ma d wis sin, d allus n umernu n tesmekta.
Cwiṭ cwiṭ, neččur taculiḍt, s temsirin-a :
1-Asigez.
2-Asekkil ameqqran.
3-Isemmaden…
4-Imerna.
S temsirin-a, cwiṭ cwiṭ, neččur taculiḍt.
Neččur tacullidṭ s temsirin-nni, cwiṭ cwiṭ.
Neččur tacullidṭ s unerni(terni,usfari,tmerna) n temsirin-nni.
Ma yella awal-iw yelha, tiɣri-k d leqdic-ik ifen-t.
Tanemmirt a gma. D ayen ibanen, tesɛiḍ aswir ɛlayen deg tira. Nekk mazal sarameɣ a d-yas wass anda ad aruɣ mebla tuccḍiwin.
SupprimerIh, cukkeɣ nufa-d tifrat s tefyirt tis snat : Sya ɣer zdat, ad neččar ikufan-agi, cwiṭ cwiṭ, s wallalen icudden …
Tura ad nezzi ɣer watccar n yikufan-agi.
Rzu ɣer :
RépondreSupprimerhttp://fr.calameo.com/read/00407670409ad178ebb05
Ma triḍ yiwen ger yizenizɣen-nni, eǧǧ-d LMayl. Ad ak-in-yaweḍ.
D taččert i yikufan-nni.
Afud igerrzen
Izenziɣen-nni lhan. Zedmeɣ-ten-id meṛṛa (kraḍ). Ad waliɣ amek ad ten-rnuɣ ɣer yikufan.
SupprimerTanemmirt s tussda.