 |
Akun neɛreḍ ad teɣṛem uṭṭun amezwaru n tesɣunt nneɣ tamaynut Asmazaɣ (Nous vous invitons à découvrir le premier numéro de notre nouvelle revue Asmazaɣ - Le berbérisant). Deg Tasɣunt-agi nebɣa ad-nejmeɛ tiɣawsiwin d isufar i waken anɛiwen wid yebɣan, am nekni, ad-lemden tamaziɣt d ad-issinen adlis d umezruy-nsen.
Deg webrid n Dda Lmulud, negzem (awi yufa ad tilim s-yidis-nneɣ) macci kan ad-neḥrez tutlayt d wedlis n yimaziɣen s umata maca aten-nesnerni. Tanemmirt s tusda i wid iɣ-yezwaren deg unnar-agi ladɣa wid ara yɛeqlen leqdic-nsen deg tesɣunt-agi. Neḍmaɛ ad-aɣ-surfen ma ur ten-d-nebdir ara meṛṛa. Tugniwin d yeḍrisen d-agla n yimeskaren-nsen. |
lundi 1 février 2016
[Inédit – Exclusif] Tasɣunt Asmazaɣ - Uṭṭun 1 - Yennayer 2966 – 2016
Nekk d aqbayli d aɛerbawal, sɛiɣ 18 n yiseggasen di leɛmeṛ-iw, luleɣ di Wehran, werǧin i ɣriɣ tamaziɣt, ula deg uxxam-nneɣ d taɛrabt i nhedder, lemdeɣ tamaziɣt iman-iw kan, ass-a wwḍeɣ-d ttmeslayeɣ yis-s mebla tuccḍiwin am leqbayel n tmurt...
RépondreSupprimerUr zmireɣ ara ad ṭṭfeɣ iman-iw iwakken ad awen-d-iniɣ tanemmirt, tanemmirt tameqqrant,tanemmirt s tussda ɣef wakk ayen i d-tefkam i tmaziɣt, urɛad ur d-ufiɣ ara win i tt-ixedmen am kenwi, tefkam-d ulac ! akk ayen yeɛnan tamaziɣt ad t-id-afeɣ dagi ! d taɣbalut i imeqqren akk n tmaziɣt di liternet, aṭas i xedmeɣ s wayen i tezzuzurem, ad awen-d-iniɣ seg ul tikkelt-nniḍen tanemmirt afud igerzen ! tabɣest lɛali ! tuklalem ad tilim deg uqerru n HCA deg umkan n yimesbaṭiyrn-nni.
Awennit-inek yettak abeḥri i turin. Tanemmirt s tussda. D tikkelt tamezwarut seg 2014 ara d-yili uwennit am wagi ! Ferḥeɣ aṭas ɣas ur ttiliɣ ɣef uqerru n HCA ! Tanemmirt i tikkelt-nniḍen.
Supprimer