netoops blog
>>> Bienvenue ! Ansuf Yis-wen ! ⴰⵏⵙⵓⴼ ⵢⵉⵙ-ⵡⴻⵏ <<< Tamaziɣt, tella, ad tili, ass-a, azekka... i lebda ! <<< Deg webrid n Dda Lmulud, negzem (awi yufan ad tilim s yidis-nneɣ) macci kan ad neḥrez tutlayt d wedles n yimaziɣen s umata maca ad aten-nesnerni.
I kečč a Lwennas. Ma ara ṭṭlam yesseblaɛ tafat s uslifeẓ n ticurkeḍt d nḥeddeṛ s terẓeg i uleqqem imciṭen n tmagit tagimseggast, syin amyi yettuɣal d tilawt. Imcumen-agi tteḥqaren-aɣ yal taswiɛt. Nugi ad neknu. Aleqqem yugi ad yaɣ segmi iɛuraf ṭerḍiqen s urured n tuddert yettwaxnaqen. Ur nesteɛfuy ara alama nedder d yiman-nneɣ d ḥebsen imerawen-nneɣ aneqleb deg iẓẓekwan-nsen. Tabawt tesfqaɛ-aɣ alama teglad s lmut. Tinififtin n ẓẓif-nneɣ ttwamerretent. Maɛtub Lwennas, tcennuḍ s ubeɛzeq ayen ḥulfan atmaten-ik s tsusmi. Immi nella d tiɣtas n yiwen unagraw anda awal tilleli yesɛa anamek : tilleli i kra n yemdanen ad melken wiyaḍ. Kečč d aselɣar i wul yettwarzen. D anza yeddren n lebɣi-nneɣ ad neqqim nbedd. Ccna yekka-d seg ẓẓif-inek, taɣuct-ik i icuffen s zzɛaf d wurfan teseḥmay-aɣ iɣsan. ---------- Nettxayal Ṭawes Amruc d umeṭṭraḍ anumidi mi tzegger igenwan n tmurt-nneɣ. Syin akin ticraḍ n tyemmatin-nneɣ ttuɣalent d tidet tamagdezt. Ulac ayen nniḍen yessnen neɣ izemren ad ɣ-yenher. Lwennas, tesmektiḍ-aɣ-d s tumert belli ɣas uzlen idamen, aẓar yettwaxlaf. Ulac alugen n ugama yugaren wagi. Aḥaweṣ n tlelli-nneɣ sɣur imesḥaf-agi i ɣ-iḥekmen yerra aɣref-nneɣ amzun ttaqeḍɛit n lmal yuḍnen anda wid iffazen ɛaṛqen, ussafen neɣ ttwarnan, wid menwala uɣen taggamaḍt n yitran yettcririqen. Rru a yul. Ccnu-yasen a Lwennas belli tugdut d aram amezwaru deg yimawen-nneɣ, neṭṭeḍ-itt seg yidmaren n tyemmatin-nneɣ. Ccnu-yasen fud-nneɣ n teɣdemt d weɣram. Ccnu, a Lwennas, ccnu ! Ɛni amedyaz yezmer ad yemet ?

samedi 25 novembre 2017

Tajerrumt tatrart n teqbaylit sɣur Kamal Uzerrad


Yessefk tura yiwen ur yettaru akken i das-yehwa. Yessefk ad neḍfer abrid n yilugan n tira ɣas ma ilugan-agi drusit akken ad naru tamaziɣt war asteqsi. Nessaram wid yettarun, ladɣa iselmaden, imaruten, inelmaden d wid iqeddcen deg tiddukliwin, ad ḍefren ilugan-a. D wa i d abrid ma nebɣa s tidet tamaziɣt ad tidir, ad tili, ad teqqim i waqu yuqan.


-

2 commentaires :

  1. akken i das-yehwa = akken i (d) as-yehwa ===> d amqim udmawan awsil arusrid n umyag.
    Drusit = drus ===> "drus" d amernu n tesmekta, "it" d amqim udmawan awsil usrid neɣ d arusrid ?
    D acu inumken wawalen-a: aqu yuqan ?
    Awali-ik yelha, leqdic-ik yif-it.

    RépondreSupprimer
    Réponses
    1. - diyi, dak, dam, das... d talɣa nniḍen n yemqimen iwsilen n wemyag.
      - Llan aṭas i isseqdacen awal-agi "Drusit" ama deg tmawit ama deg tira.
      - "Aqu yuqan" yella deg umawal n Dallet. Anamek-is : i lebda, "à jamais, pour toujours".

      Supprimer