Azal n TALA deg tmetti

Ulac taddart ur nesɛi ara tala. Tala d amkan n tlawin, teḥrez lbaḍna-ines. Yecmet ad yekcem ɣer s daxel-is, aladra deg urgaz. At zik, snen ad ḥerzen aman, ur swaɣayen ara deg-sen tiqit. Yal tiqit ara d-yeqqiṭṭren, snen amek ara tt-jemɛen. Aman n tliwa, ussan-d di leɛwanṣar i d-yeṭṭreḍqen deg yidurar, ttawinten-id yimezdaɣ n tuddar deg ijaɛbuben s ddaw tmurt, alarmi d taddart ideg zedɣen. Lebni n tliwa, yemgarad si taddart ɣer tayeḍ, maca yella wayen i tent-yesddukklen …

Ad naf Lebni n tliwa-agi, yebḍa ɣef kraḍ (3) yiḥricen : Acercur, amraḥ n tarda, asariǧ n lmal. 

1. Acercur : d amkan deg-i i d-ttagment tlawin aman, ttaččarent-d tiḥellabin-nsent. 

2. Abraḥ n tarda : d amkan yeṭṭɛen ɣer tesga n ucercur. Lqaɛa-ines tqeɛɛed, tesleɣ s yejdi d ssiman. Deg-s i ssirident tlawin iselsa, iceṭṭiḍen. Yezzi-as-d ṣṣur azal n lqedd n umdan, akken tulawin ad ssirden-t s tuṣṣra. S daxel-is, yella usariǧ d aɣezfan, maca ur lqay ara. Deg-s i d-tteffint aman i tarda. D aman n ucercur yettruḥun di rrayaɛ i yettačaren asariǧ-agi. 

3. Asariǧ n lmal : d asariǧ yeṭṭɛen ɣer ubraḥ n tarda, ur ɣezzif ara, ur lqay ara. D amkan deg-i i itess lmal, izgaren, tisita, iɣyal, ulli, tiɣeṭṭen… Yettili-d ɣer tama n ubrid, d aman i d-yettfeggiḍen deg usariǧ yellan deg ubraḥ n tarda i t-yettačaren. Aman yettcercuren deg usariǧ n lmal, ttruḥun di terga ijmaɛay-iten ugelmim. Aman ugelmim, swayen s yis-s tibḥirin deg unebdu. Tessen deg-s iɣersiwen n teẓgi, ibeɛɛac d yijeqqiwen.

Fahim Messaoudène - Aɣmis n yimaziɣen