netoops blog
>>> Bienvenue ! Ansuf Yis-wen ! ⴰⵏⵙⵓⴼ ⵢⵉⵙ-ⵡⴻⵏ <<< Tamaziɣt, tella, ad tili, ass-a, azekka... i lebda ! <<< Deg webrid n Dda Lmulud, negzem (awi yufan ad tilim s yidis-nneɣ) macci kan ad neḥrez tutlayt d wedles n yimaziɣen s umata maca ad aten-nesnerni.
I kečč a Lwennas. Ma ara ṭṭlam yesseblaɛ tafat s uslifeẓ n ticurkeḍt d nḥeddeṛ s terẓeg i uleqqem imciṭen n tmagit tagimseggast, syin amyi yettuɣal d tilawt. Imcumen-agi tteḥqaren-aɣ yal taswiɛt. Nugi ad neknu. Aleqqem yugi ad yaɣ segmi iɛuraf ṭerḍiqen s urured n tuddert yettwaxnaqen. Ur nesteɛfuy ara alama nedder d yiman-nneɣ d ḥebsen imerawen-nneɣ aneqleb deg iẓẓekwan-nsen. Tabawt tesfqaɛ-aɣ alama teglad s lmut. Tinififtin n ẓẓif-nneɣ ttwamerretent. Maɛtub Lwennas, tcennuḍ s ubeɛzeq ayen ḥulfan atmaten-ik s tsusmi. Immi nella d tiɣtas n yiwen unagraw anda awal tilleli yesɛa anamek : tilleli i kra n yemdanen ad melken wiyaḍ. Kečč d aselɣar i wul yettwarzen. D anza yeddren n lebɣi-nneɣ ad neqqim nbedd. Ccna yekka-d seg ẓẓif-inek, taɣuct-ik i icuffen s zzɛaf d wurfan teseḥmay-aɣ iɣsan. ---------- Nettxayal Ṭawes Amruc d umeṭṭraḍ anumidi mi tzegger igenwan n tmurt-nneɣ. Syin akin ticraḍ n tyemmatin-nneɣ ttuɣalent d tidet tamagdezt. Ulac ayen nniḍen yessnen neɣ izemren ad ɣ-yenher. Lwennas, tesmektiḍ-aɣ-d s tumert belli ɣas uzlen idamen, aẓar yettwaxlaf. Ulac alugen n ugama yugaren wagi. Aḥaweṣ n tlelli-nneɣ sɣur imesḥaf-agi i ɣ-iḥekmen yerra aɣref-nneɣ amzun ttaqeḍɛit n lmal yuḍnen anda wid iffazen ɛaṛqen, ussafen neɣ ttwarnan, wid menwala uɣen taggamaḍt n yitran yettcririqen. Rru a yul. Ccnu-yasen a Lwennas belli tugdut d aram amezwaru deg yimawen-nneɣ, neṭṭeḍ-itt seg yidmaren n tyemmatin-nneɣ. Ccnu-yasen fud-nneɣ n teɣdemt d weɣram. Ccnu, a Lwennas, ccnu ! Ɛni amedyaz yezmer ad yemet ?

mardi 27 juin 2017

Mazal-it amzun yedder !

LOUNES MATOUB 19 n yiseggasen γef tmettant-is

Di leɛmer-is ass-a (25 yunyu 2017) 61 n yiseggasen limer ur d-teɛjil γur-s ! Tedra-as amzun akka i tt-iwala di targit.

Yak yenna-t-id-d iseggasen uqbel, mi yecna :
«Ass-agi lliγ,, azekka wissen, Nniγ-d ayen i zriγγ d wayen i ttwaliγ, Cfut di terga ma γliγ, D anza-w ara awen-d-yessiwlen !»...

Di Tala Bounane i as-d-wwint akal ass n 25 di yunyu 1998, di tuγalin-is s axxam ukkud tmeṭṭut-is Nadia d snat n teslifin-is. Iɛdawen n tudert qurɛent anda akken ur yettizmir ad
yeslek, γas ulamma yerra γef yiman-is, maca abruri n ṛrsas i dyuragen fell-as yegla s terwiḥt-is. Yuzzar lexbar, tenhewwal tmurt n Leqbayel, zzant taswin, yettuqqet
usnunnec γef tmettant-is, wid i tyenγan, acimi i t-nγan…Lḥasun, wid i iḥemmlen Lounes tejreḥ tasa-nsen, ḥsan dakken d awezγi ad dilal win ara t-id-yecbun, win akken yeddren s tissas. Yak yenna Lounis AT Menguellet deg wawal-is :

«Tirrugza ur tuḥwağğ aɛeggeḍ, Ma ur tt-id-tewwid mi ara d-tlaled, Ur tettnuzu di leswaq.»

Segmi akka i iruḥ Lounès, tizlatin-is neddhent di yal amkan, anda yedda umdan ad isel i ssut-is yettbeɛziq. Ahat ṭṭfent yal tama, almi ula d tasuta-nni ur as d-necfi ara tsell i
tezlatin-is. Yal 25 di yunyu, abrid yettawin γer At Dwala, ur yettneqdiɛ ara s tkeryas d lkiran. Iqbayliyen, rezzun s azekka-s, ttarran- as rreḥma, almi yuγal yugar lemqam. Aya, yettbeyyin-d acḥal ceffun yimdanen i lxir, imi Matoub d win yextaren tama n yigellilen,
am wakken i t-id-yenna : « Nekk si ssenf n yimeγban. » Ma nezzi-d tamuγli γer ttawilat n usiweḍ, d lkiran, d ifurguten neγ ahat d tikeryas, aṭas seg-sen kesben tteswirat n Lounes i iɛelqen s ttnefxa, i wakken ad d-inin : « Ulamma yemmut, mazal-it yella. » Da i newweḍ s awal n Ccix Muhend U Lhusin :

«Yella walebɛaḍ yella, ulac-it, Yella wayeḍ ulac-it, yella.»



Akka, Lounes seg wid ulac-iten maca yella, imi tizlatin-is akk d timsirin, tteḥwiğin-tent medden di yal taswiɛt. Di ddiq, ttafent medden, ilmeẓyen labeɛda, imi yezga yettarra-d i tiγri, ur yelli seg wid yettγurru udrim. Di lawan n leḥris, yella-d di lmendad di taddart-is, yettɛassa am netta am medden γef nnif d lḥerma. Ayen akken i ttxemmimen medden di tuffra, ahat d tugdi, netta iqerra-it-id s uzday n lqedd.

Ma d wid yeffγen lufeq n Teqbaylit, ur asen-yeğği ara, igezzer, irennu deg-sen, imi γur-s Taqbaylit ur tettnuz ur tettwarhan. Dγa d Taqbaylit-a iwumi yettarra azal di yal tizlit,
yessaweḍ, achal n tikkal, yessukkes-d atas n yimeslayen si fennu. Isefra-s zḍan, ṛessan deg
yiwet n tγessa ara yilin d tigejdit i tudert n tutlayt d yidles amaziγ. Ur yezmir ḥedd, ad yenkerr amecwar n Lounes, abrid-nni yessan d isennan, yernan iɛedda-t ḥafi. Aniwa ur
necfi i taluft n tuber asmi akken i tfetkent xemsa n tersasin, neγ tadyant n 94 mi yesɛedda 16 n wuḍan deg yifran n yirebraben, almi tegla-as tis tlata. D aqerru n lmeḥna, yerna yenna-t-id deg tezlit- nni :

«Asmi i d-luleγγ d ass amcum Deg ufus i d-kemseγγ lehmum Akken ur i yi-ttixxiren ara»

Limer ad imuqel umdan ayen akk i yexdem, ayen yecna d wayen yesɛedda, ad d-tiniḍ yedder lqern, maca deg 42 n yiseggasen yessaweḍ igmer-d agerruj yecban wagi i dyeğğa.
Am wakken i d-nebder di tazwara, dakken Lounes amzun akken yettwali ayen ara yeḍrun
yid-s ɣer sdat, imi deg yiwen n usefru ur yecni ara yakan, i d-nekkes seg udlis yura Yalla Seddiki : «Lounes Matoub, mon nom est combat», ad naf :

«Ad leḥḥuγγ ttaggadeγ Dayen ad nefleγ Anda akken ğğiγγ tacriḥ-iw Tikkelt-a ma deg-s brettxeγ Ur d-ttensareγ Ad ruḥeγγ s lqedd-iw Ayen akk ɛzizen ḥemmleγ Deffir ad t-ğğeγ Imi d nekk i d axsim-iw.»

M. Smail - Aɣmis n yimaziɣen

Aucun commentaire :

Enregistrer un commentaire