netoops blog
>>> Bienvenue ! Ansuf Yis-wen ! ⴰⵏⵙⵓⴼ ⵢⵉⵙ-ⵡⴻⵏ <<< Tamaziɣt, tella, ad tili, ass-a, azekka... i lebda ! <<< Deg webrid n Dda Lmulud, negzem (awi yufan ad tilim s yidis-nneɣ) macci kan ad neḥrez tutlayt d wedles n yimaziɣen s umata maca ad aten-nesnerni.
I kečč a Lwennas. Ma ara ṭṭlam yesseblaɛ tafat s uslifeẓ n ticurkeḍt d nḥeddeṛ s terẓeg i uleqqem imciṭen n tmagit tagimseggast, syin amyi yettuɣal d tilawt. Imcumen-agi tteḥqaren-aɣ yal taswiɛt. Nugi ad neknu. Aleqqem yugi ad yaɣ segmi iɛuraf ṭerḍiqen s urured n tuddert yettwaxnaqen. Ur nesteɛfuy ara alama nedder d yiman-nneɣ d ḥebsen imerawen-nneɣ aneqleb deg iẓẓekwan-nsen. Tabawt tesfqaɛ-aɣ alama teglad s lmut. Tinififtin n ẓẓif-nneɣ ttwamerretent. Maɛtub Lwennas, tcennuḍ s ubeɛzeq ayen ḥulfan atmaten-ik s tsusmi. Immi nella d tiɣtas n yiwen unagraw anda awal tilleli yesɛa anamek : tilleli i kra n yemdanen ad melken wiyaḍ. Kečč d aselɣar i wul yettwarzen. D anza yeddren n lebɣi-nneɣ ad neqqim nbedd. Ccna yekka-d seg ẓẓif-inek, taɣuct-ik i icuffen s zzɛaf d wurfan teseḥmay-aɣ iɣsan. ---------- Nettxayal Ṭawes Amruc d umeṭṭraḍ anumidi mi tzegger igenwan n tmurt-nneɣ. Syin akin ticraḍ n tyemmatin-nneɣ ttuɣalent d tidet tamagdezt. Ulac ayen nniḍen yessnen neɣ izemren aɣ-yenher. Lwennas, tesmektiḍ-aɣ-d s tumert belli ɣas uzlen idamen, aẓar yettwaxlaf. Ulac alugen n ugama yugaren wagi. Aḥaweṣ n tlelli-nneɣ sɣur imesḥaf-agi i ɣ-iḥekmen yerra aɣref-nneɣ amzun ttaqeḍɛit n lmal yuḍnen anda wid iffazen ɛaṛqen, ussafen neɣ ttwarnan, wid menwala uɣen taggamaḍt n yitran yettcririqen. Rru a yul. Ccnu-yasen a Lwennas belli tugdut d aram amezwaru deg yimawen-nneɣ, neṭṭeḍ-itt seg yidmaren n tyemmatin-nneɣ. Ccnu-yasen fud-nneɣ n teɣdemt d weɣram. Ccnu, a Lwennas, ccnu ! Ɛni amedyaz yezmer ad yemet ?

samedi 20 mai 2017

Iswiyen n tneflit timezgit




Deg umezwaru n yennayer 2016, imasayen n umaḍal sersen-d 17 n yiswiyen n tneflit timezgit
(Objectifs de Développement Durable) ara yettwaselḥun gar-aneɣ d useggas 2030. 
Di 15 n yiseggasen-a i d-iteddun, timura n umaḍal ad sxedment tazemmart-nsent, s wallal n yiswiyen-a imaynuten, iwakken ad sefḍent akk leṣnaf n tgellelt d lixṣaṣ, ad zzizfent maḥyaf gar yimdanen, ulac win ara yettwarren di rrif. Yessefk fell-asent daɣen ad d-afent tifrat i unbeddal n unezwi...



ISWIYEN N TNEFLIT TIMEZGIT

Iswi1 Tukksa n tigellelt deg umaḍal, akken tebɣu tili talɣa-s.
Iswi2 : Tukksa n laẓ, aḍman n lɛula, agerrez n uqewwet d usnerni n tfellaḥt timezgit.
Iswi3 : Aɛemmed i yak medden ad idiren di tdawsa yelhan d tilin iggerzen, kra ara tekk                tudert-nsen.
Iswi4 : Asiweḍ n yimdanen akk ɣer usegmi ifazen war maḥyaf gar-asen d tikci n tegnatin n
           ulmad, kra ara tekk tudert-nsen.
Iswi5 : Asiweḍ ɣer useɛdel gar urgaz d tmeṭṭut akked tikci n tmunent i tlawin d teqcicin.
Iswi6 : Aḍman n usafar n waman d tezdeg d useddu iwulmen s ddwam n teɣbula n waman.
Iswi7 : Asiweḍ n yak iɣarimen ɣer yimeẓla n ṣṣehd atraren imezgiyen s ssuma iwulmen.
Iswi8 : Ibeddi ɣer usnerni n tdamsa d usuget n temrest i d-yettarran lɣella idumen d                    uxeddim yessalayen ccan i bab-is
Iswi9 : Ibeddi ɣer lebni ireṣṣan d usebɣes n usnulfu, asnerni n temguri tamezgant d usili n
           ttawilat idamsanen-nniḍen ara d-yawin abaɣur.
Iswi10 : Asedres n maḥyaf di tmura n umaḍal d usedres-ines gar tmurt d tayeḍ.
Iswi11 : Isefk timdinin akk d yimukan yettwazedɣen ad ldin tiwwura-nsen i yimdanen,                    yessefk ad ttwasɣellsen, ad ttwaḥerzen s ddwam.
Iswi12 : Asbeddi n yimudam n tsadurt d ufares ara yeqqimen d imezgiyen.
Iswi13 : Tiririt n talast s tɣawla i unbeddel n unezwi d twaɣiyin is-id-igellu.
Iswi14 : Aseḥbiber d usefres amezgan n yigarawen, illelen d yak tiɣbula n yillel ilmend n                tneflit timezgit
Iswi15 : Aseḥbiber ɣef twennadṭ d uwenneɛ-is s yibeddi ɣef usefres-ines amezgan, aḥareb              ɣef tẓegwa d ibeddi mgal asnezref n tmurt, aseḥbes n ssix n wakal d tukksa i                      lebda n uzlaḍ n tudert d usenger n kra n ccetlat timuddirin.
Iswi16 : Aslali n tmettiyin n talwit ara yeldin tiwwura i tneflit timezgit, aḍman n teɣdemt              i yal yiwen di yal aswir n tudert d usali n tsudwin tinezmarin ara isufen s                            yiɣarimen.
Iswi17 : Aseǧhed n ttawilat ara yezdin tallalt deg umaḍal ilmend n tneflit timezgit                        tuzmirt tamuddirt.

Ssidret Iswiyen n tneflit timezgit - s tmaziɣt
Télécharger les Objectifs de Développement Durable - en français


Amasay : Responsable
Iswiyen n taneflit timezgit : Objectifs de Developpement Durable
Ahil nyeɣlanen yedduklen i tneflit : PNUD
Allal : Moyen, instrument
Ttwasmersen, de mres, semres : Utiliser, employer
Anezwi : Climat
Iswiyen n wagim i tneflit : Objectifs du Millénaire pour le Développement
Agama : La nature
Tawennaḍt : Environnement
Timetti : Société
Asegmu : Éducation
Tadamsa : Économie
Astan n tmetti /Amasten Anemetti : Protection sociale
D usili n lxedma, nnican : Cible
Asrad, Talwit, Lehna : Paix
Taɣdemt, tabelɛinant : Transparence
Azref : Droit
Awanak : Etat
Timaltaɣin, de lteɣ : Adhérer
Waẓiyen, tasleḍt : Analyse
Amaḍal : Monde
Abaɣur : Richesse
Tasertit : Politique
Asiẓref : Financement
Taɣult : Domaine
Asuder imezgi : Consommation durable
Taɣdemt : Justice
Ṛeggem : Promettre
Asefrek : Gestion
Aɣref, agdud : Peuple
Timunent : Autonomie
Taɣbalut : Source
Asnezref : Desertification
Tasqamut n waddaden : Commission de statistiques
Tɣimit : Session
Tuttriwin gar igzumen : Questions intersectoriels
Afara : Progrès
Uddus : Organisme
Ineti : Origine
Tadabut : Siège
Iɣlanen imazdayen : Nations Unis
Ulɣu : Déclaration
Asmures : Réussite
Akatar : Cadre
Agensas : Representant
Amni : Parlement
Addad : Statistique
Snaref : Favoriser
Iziɣer : Ethnie
Amenẓaw : Continent
Asarag : Conférence
Tigawt : Action 
Tuddsa n waɣlanen yedduklen : ONU
Taggayt : Groupe
Tesbadu : Définir
Asentali : Thématique
Imeẓla : Services
ṣṣehd : Energie
Atrar : Moderne
Sebɣes : Encourager
Tamguri : Industrie
Asadur : Consommation
Asfres : Exploitation
Agaraw : Océan

Aucun commentaire :

Enregistrer un commentaire