netoops blog
>>> Bienvenue ! Ansuf Yis-wen ! ⴰⵏⵙⵓⴼ ⵢⵉⵙ-ⵡⴻⵏ <<< Tamaziɣt, tella, ad tili, ass-a, azekka... i lebda ! <<< Deg webrid n Dda Lmulud, negzem (awi yufan ad tilim s yidis-nneɣ) macci kan ad neḥrez tutlayt d wedles n yimaziɣen s umata maca ad aten-nesnerni.
I kečč a Lwennas. Ma ara ṭṭlam yesseblaɛ tafat s uslifeẓ n ticurkeḍt d nḥeddeṛ s terẓeg i uleqqem imciṭen n tmagit tagimseggast, syin amyi yettuɣal d tilawt. Imcumen-agi tteḥqaren-aɣ yal taswiɛt. Nugi ad neknu. Aleqqem yugi ad yaɣ segmi iɛuraf ṭerḍiqen s urured n tuddert yettwaxnaqen. Ur nesteɛfuy ara alama nedder d yiman-nneɣ d ḥebsen imerawen-nneɣ aneqleb deg iẓẓekwan-nsen. Tabawt tesfqaɛ-aɣ alama teglad s lmut. Tinififtin n ẓẓif-nneɣ ttwamerretent. Maɛtub Lwennas, tcennuḍ s ubeɛzeq ayen ḥulfan atmaten-ik s tsusmi. Immi nella d tiɣtas n yiwen unagraw anda awal tilleli yesɛa anamek : tilleli i kra n yemdanen ad melken wiyaḍ. Kečč d aselɣar i wul yettwarzen. D anza yeddren n lebɣi-nneɣ ad neqqim nbedd. Ccna yekka-d seg ẓẓif-inek, taɣuct-ik i icuffen s zzɛaf d wurfan teseḥmay-aɣ iɣsan. ---------- Nettxayal Ṭawes Amruc d umeṭṭraḍ anumidi mi tzegger igenwan n tmurt-nneɣ. Syin akin ticraḍ n tyemmatin-nneɣ ttuɣalent d tidet tamagdezt. Ulac ayen nniḍen yessnen neɣ izemren aɣ-yenher. Lwennas, tesmektiḍ-aɣ-d s tumert belli ɣas uzlen idamen, aẓar yettwaxlaf. Ulac alugen n ugama yugaren wagi. Aḥaweṣ n tlelli-nneɣ sɣur imesḥaf-agi i ɣ-iḥekmen yerra aɣref-nneɣ amzun ttaqeḍɛit n lmal yuḍnen anda wid iffazen ɛaṛqen, ussafen neɣ ttwarnan, wid menwala uɣen taggamaḍt n yitran yettcririqen. Rru a yul. Ccnu-yasen a Lwennas belli tugdut d aram amezwaru deg yimawen-nneɣ, neṭṭeḍ-itt seg yidmaren n tyemmatin-nneɣ. Ccnu-yasen fud-nneɣ n teɣdemt d weɣram. Ccnu, a Lwennas, ccnu ! Ɛni amedyaz yezmer ad yemet ?

vendredi 24 mars 2017

Ikufan n Tala uMaziɣ !

Ansuf yis-wen ɣer yikufan n Tala uMaziɣ !
S-ya ɣer zdat ad neččar, cwiṭ cwiṭ, ikufan-agi s wallalen 
icudden ɣer tutlayt, idles d umezruy n yimaziɣen.
Nebda-d s tsesfarin d yizeṭṭa n wawalen neɣ yimeslayen inmidagen. Walit ayen yellan ar tura deg yikufan n Tala uMaziɣ d uɣalet-d i wakken ad tafem ayen nniḍen.
Amaynut -> Ilugan n tira : 16

Ar tura, deg yikufan :



Tzemrem daɣen ad terzum ɣer Ikufan n Tala umaziɣ s webrid-agi :

8 commentaires :

  1. Adrar d aɛessas nneɣ, tala d tudert nneɣ, akufi d tijji i tarwa nneɣ.
    Ansuf yis-wen ɣer (y)Ikufan1 n Tala uMaziɣ !
    S-ya ɣer zdat ad neččar ikufan-agi s tirni n2 wallalen icudden ɣer tutlayt, idles d umezruy n yimaziɣen.
    Nebda-d3 s tsesfarin d uzeṭṭa n wawalen neɣ n2 yimeslayen1 inmidagen. Uɣalet-d3 i wakken4 ad tafem ayen nniḍen.
    Timsirin icudden ɣer wagul :
    1 – Isem.
    2 – Tinzaɣ, tisɣunin.
    3 – Tizdit, amyag, tizelɣiwin n tnila.
    4 – Imesli ussid.
    Afud igerrzen

    RépondreSupprimer
    Réponses
    1. Tanemmirt s tussda ɣef uwennit-inek. Ma ulac aɣilif, xas rnu-d wiyaḍ.
      1- Ilugan n crb-inalco : yezmer ad yili s i neɣ s y.
      2- S tirni neɣ s unerni = "progressivement".
      Tanemmirt i tikelt nniḍen !

      Supprimer
  2. 1- yewwet-iyi s afus = "à la main"<----Anida? ɣer wacu?
    2- yewwet-iyi s ufus = "avec la main"<----S wacu?
    Ha-tt-a tidmi-iw ɣef uẓeɣẓen n Yimaziɣen :
    Ad neččar. D acu?
    Ad neččar ikufan-agi. Amek? neɣ S wacu?
    Ad neččar ikufan-agi s usfari(progressivement). N wacu?
    Ad neččar ikufan-agi s usfari n wallalen. Anwa allalen?
    Ad neččar ikufan-agi s usfari n wallalen i icudden...
    Awal-iw yelha, leqdic-ik yif-it

    RépondreSupprimer
    Réponses
    1. D tidet awal-ik yelha maca nekk akka i walaɣ :
      Ad neččar ikufan-agi. Amek ? ---> S unerni neɣ s usfari neɣ cwiṭ cwiṭ
      Ad neččar ikufan-agi. S wacu ? --->S wallalen
      Ad neččar s unerni ikufan-agi s wallalen….
      = Ad neččar cwiṭ cwiṭ ikufan-agi s wallalen….

      Tanemmirt.

      Supprimer
  3. Imi akken, d acu tenniḍ ma nerra-tt akka :
    Tirni, anerni, asfari ---> D ismawen.
    Cwiṭ ---> D amernu.
    1-Sya ɣer zdat, ad neččar ikufan-agi s terni (unerni, usfari, tmerna) n wallalen i d-icudden ɣer : tutlayt, idles d umezruy n Yimaziɣen.
    2-Sya ɣer zdat, ad neččar ikufan-agi, cwiṭ cwiṭ, s wallalen icudden ɣer : tutlayt, idles d umezruy n Yimaziɣen.
    Ikufan : …d asemmad usrid.
    Terni(tirni) : …d asemmad s tenzeɣt.
    Wallalen(allalen) : …d asemmad n yisem deg tmezwarut, d asemmad s tenzeɣt deg tis snat.
    Cwiṭ : d amernu n tesmekta. Ma d wis sin, d allus n umernu n tesmekta.
    Cwiṭ cwiṭ, neččur taculiḍt, s temsirin-a :
    1-Asigez.
    2-Asekkil ameqqran.
    3-Isemmaden…
    4-Imerna.
    S temsirin-a, cwiṭ cwiṭ, neččur taculiḍt.
    Neččur tacullidṭ s temsirin-nni, cwiṭ cwiṭ.
    Neččur tacullidṭ s unerni(terni,usfari,tmerna) n temsirin-nni.
    Ma yella awal-iw yelha, tiɣri-k d leqdic-ik ifen-t.

    RépondreSupprimer
    Réponses
    1. Tanemmirt a gma. D ayen ibanen, tesɛiḍ aswir ɛlayen deg tira. Nekk mazal sarameɣ a d-yas wass anda ad aruɣ mebla tuccḍiwin.

      Ih, cukkeɣ nufa-d tifrat s tefyirt tis snat : Sya ɣer zdat, ad neččar ikufan-agi, cwiṭ cwiṭ, s wallalen icudden …

      Tura ad nezzi ɣer watccar n yikufan-agi.

      Supprimer
  4. Rzu ɣer :
    http://fr.calameo.com/read/00407670409ad178ebb05
    Ma triḍ yiwen ger yizenizɣen-nni, eǧǧ-d LMayl. Ad ak-in-yaweḍ.
    D taččert i yikufan-nni.
    Afud igerrzen

    RépondreSupprimer
    Réponses
    1. Izenziɣen-nni lhan. Zedmeɣ-ten-id meṛṛa (kraḍ). Ad waliɣ amek ad ten-rnuɣ ɣer yikufan.
      Tanemmirt s tussda.

      Supprimer