netoops blog
>>> Bienvenue ! Ansuf Yis-wen ! ⴰⵏⵙⵓⴼ ⵢⵉⵙ-ⵡⴻⵏ <<< Tamaziɣt, tella, ad-tili, ass-a, azekka... i-lebda ! <<< Deg webrid n Dda Lmulud, negzem (awi yufan ad tilim s-yidis-nneɣ) macci kan ad-neḥrez tutlayt d wedles n yimaziɣen s umata maca aten-nesnerni.
I kečč a Lwennas. Mara ṭṭlam yesseblaɛ tafat s uslifeẓ n ticurkeḍt d nḥeddeṛ s terẓeg i uleqqem imciṭen n tmagit tagimseggast, syin amyi yettuɣal d tilawt. Imcumen-agi tteḥqaren-aɣ yal taswiɛt. Nugi aneknu. Aleqqem yugi ad yaɣ segmi iɛuraf ṭerḍiqen s urured n tuddert yettwaxnaqen. Ur nesteɛfuy ara alama nedder d yiman-nneɣ d ḥebsen imerawen-nneɣ aneqleb deg iẓẓekwan-nsen. Tabawt tesfqaɛ-aɣ alama teglad s lmut. Tinififtin n ẓẓif-nneɣ ttwamerretent. Maɛtub Lwennas, tcennuḍ s ubeɛzeq ayen ḥulfan atmaten-ik s tsusmi. Immi nella d tiɣtas n yiwen unagraw anda awal tilleli yesɛa anamek : tilleli i wabɛaḍ ad melken wiyaḍ. Kečč d aselɣar i wul yettwarzen. D anza yeddren n lebɣi-nneɣ ad neqqim nbedd. Ccna yekkad seg ẓẓif-inek, taɣuct-ik i icuffen s zzɛaf d wurfan teseḥmay-aɣ iɣsan. ---------- Nettxayal Tawes Amruc d umeṭṭraḍ anumidi mi tzegger igenwan n tmurt-nneɣ. Syin akin ticraḍ n tyemmatin-nneɣ ttuɣalent d tidet tamagdezt. Ulac ayen nniḍen yessnen neɣ izemren aɣ-yenher. Lwennas, tesmektiḍ-aɣ-d s tumert belli ɣas uzlen idamen, aẓar yettwaxlaf. Ulac alugen n ugama yugaren wagi. Aḥaweṣ n tlelli-nneɣ sɣur imesḥaf-agi i-ɣ-iḥekmen yerra aɣref-nneɣ amzun ttaqeḍɛit n lmal yuḍnen anda wid iffazen ɛaṛqen, ussafen neɣ ttwarnan, wid menwala uɣen taggamaḍt n yitran yettcririqen. Rru a yul. Ccnu-yasen a Lwennas belli tugdut d aram amezwaru deg imawen-nneɣ, neṭṭḍitt seg yidmaren n tyemmatin-nneɣ. Ccnu-yasen fud-nneɣ n teɣdemt d weɣram. Ccnu, a Lwennas, ccnu ! Ɛni amedyaz yezmer ad yemet ?

samedi 29 octobre 2016

Isuraz n usezdi d tenmeẓla taḍrisant n tmaziɣt : Asnekwu d tesleḍt - Zahir MEKSEM







Les connecteurs de cohésion et de cohérence textuelles de la langue amazighe : Identification et analyse – Zahir MEKSEM. Awalen nesseqdac i usemyiger gar yiferdisen (tifyar, tiseddarin, iḥricen) n uḍris, qqaren-asen isuraz. Imedyaten : Alamma – Almi (jusqu’à), Melmi – Ticki (quand), Ɣef zik lḥal (de bonne heure), Seg wasmi (depuis que), Mkul ma (à chaque fois), Ḥacama (jusqu’à ce que), Si leɛḍil (en attendant), Werɛad (pas encore), Dindin (instantanément), Dacu kan (seulement), Acku (parce que), Lukan (si), Akka akkin (par-ci par-là), Syin akin (et puis), Amzun (on dirait), D awezɣi (impossible), Leɛmer (jamais), Ziɣen (il se trouve)…
« Nra s tezrawt-a, deg tazwra, ad d-negmer akk awalen i nesseqdac, deg tmenna neɣ deg tira, akken ad neg assaɣ gar tefyar, gar tseddarin akked yiḥricen n uḍris. Allal i nesseqdac i usemyiger gar yiferdisen-a (tifyar, tiseddarin, iḥricen), ur yelli ara kan akken ad ten-yessemlil, maca ila tawuri-nniḍen.
Tawuri-ya teskan-d azal d unamek n wassaɣ-a. S umata, d nutni (awalen) i yessifsusen i yimeɣri, deg tama, tigzi n uḍris acku ttilin-d d iwellihen i d –yeskanen abrid i wakken ad yegzu d acu ɣef d-yettmeslay ; am wakken d nutni, deg tama-nniḍen, i yessifsusen tira-s. Awalen-a i yessegzayen tikli d tmeẓla (logique) n uḍris, qqaren-asen isuraz.»…

« Deg tmaziɣt, ugten yimhilen d tezrawin deg tesnilest i d-yewwin ɣef yiferdisen s netteqqen gar yiḥricen n tefyirt neɣ gar tefyar, amedya : tinzaɣ, tisɣunin n tuqqna, tisɣunin n usentel. Maca, nnig n waya, nebɣa ad d-nesnekwu tiwuriwin-nsen ilmend n useqdec-nsen deg uḍris deg talɣa-s tummidt.
Am wakken nra ad ten-id-nebder -ma nessaweḍ ɣer wannect-a- akken ma llan. Syin akin, ad neɛreḍ ad d-nesnekwu inumak yemgaraden n yal yiwen deg-sen. ».

Win yebɣan ad yissin ugar ɣef Isuraz n usezdi d tenmeẓla taḍrisant ad yesider adlis n Zahir MEKSEM - Isuraz n usezdi d tenmeẓla taḍrisant n tmaziɣt : Asnekwu d tesleḍt - dagi :












Aucun commentaire :

Enregistrer un commentaire