netoops blog
>>> Ansuf Yes-wen ! ⴰⵏⵙⵓⴼ ⵢⴻⵙ ⵡⴻⵏ <<< Ma ulac Tamaziɣt, ulac ulac ulac...
Sbeddet asnas Tala uMaziɣ_1_1.0 deg usawal-nwen Android. Tala uMaziɣ deg-s ugar n 600 n yimagraden, 50 n yimawalen, 100 n yidlisen, 35 n yiseɣẓanen ...

dimanche 16 février 2020

Afulay - Amaziɣ i yuran ungal amezwaru di ddunit





Afulay, Lukyus, Apulyus neɣ “Apulée de Madaure” d yiwen n umyaru amaziɣ n Meddawruc yeddren teg teglest. Yettwassen s waṭas deg umaḍal ilmend n tira-ines mucaɛen. Illul deg useggas n 123 deg tama n Suq Ahras (Lezzayer), yemmut deg useggas 170 seld sidna ɛisa. Afulay yettwassen s waṭas s ungal i yura s tlatinit umi isemma «  Aɣyul n Wureɣ » (L’Ane d’or ou les Métamorphoses). Yettwassen akk deg umaḍal d amaziɣ…
Tawacult-is d tamaziɣt d wid yesɛan, bab-as ixeddem d imḍebber n tɣiwant n Meddawruc.


Afulay d yidles amaziɣ
Mi ara nwali azwel n wungal-ines s tlatinit « Asinus aureus », ad t-naf ur yemgarad ara ɣef tmaziɣt « Asnus n wureɣ ». Asnus s tmaziɣt d aɣyul, awal-agi ad t-naf ula deg yismigden (ismawen n yimukan) am At Snus i yellan deg talast n waɣir n Tlemcen d temdint n Wejda (Lmaruk). Ma yella d awal ureɣ yeqreb aṭas ɣer wawal aureus. Ihi asteqsi anta tutlayt i ten-id-ireḍlen seg tayeḍ ?
Tamacahut n « Psyché » i yellan deg wungal n Afulay d tamacahut n yimaziɣen, d acu ibeddel-as kra n ṭɣawsiwin am yiwudam d yidgan, akken ad temtawi ɣer yidles n Legrik d Rum. 

Tira n Afulay
Nezmer ad d-nini Tira n Afyulay d allus n tmeddurt-ines, tadyant n « Psyché » tekka-d seg yiwet n tmacahut i yettwassnen ɣer yimaziɣen mazal ḥekkun-tt ar ass-a deg yal tamnaḍt n tmazɣa. Deg tmurt n leqbayel, sawalen-as « tamacahut n ɛeṣfur lehwa ». Annect-a, yettak-d ugar n ttbut ɣef wazal i tesɛa tsekla tamaziɣt ama zik neɣ tura. Timucuha sɛant azal d ameqran ɣer yimaziɣen deg tallit talemmast n umezruy. Nessaram ad teṭṭef tsekla tamaziɣt amkan-is, ad d-tufrar ugar deg tmurt-is, ad tennerni i wakken ad d-tekkes amkan-is deg talsa s tira n waraw-is.



1 commentaire :

Anonyme a dit…

merci pour cette introduction

Enregistrer un commentaire