netoops blog
>>> Bienvenue ! Ansuf Yis-wen ! ⴰⵏⵙⵓⴼ ⵢⵉⵙ-ⵡⴻⵏ <<< Tamaziɣt, tella, ad tili, ass-a, azekka... i lebda ! <<< Deg webrid n Dda Lmulud, negzem (awi yufan ad tilim s yidis-nneɣ) macci kan ad neḥrez tutlayt d wedles n yimaziɣen s umata maca ad aten-nesnerni.
I kečč a Lwennas. Ma ara ṭṭlam yesseblaɛ tafat s uslifeẓ n ticurkeḍt d nḥeddeṛ s terẓeg i uleqqem imciṭen n tmagit tagimseggast, syin amyi yettuɣal d tilawt. Imcumen-agi tteḥqaren-aɣ yal taswiɛt. Nugi ad neknu. Aleqqem yugi ad yaɣ segmi iɛuraf ṭerḍiqen s urured n tuddert yettwaxnaqen. Ur nesteɛfuy ara alama nedder d yiman-nneɣ d ḥebsen imerawen-nneɣ aneqleb deg iẓẓekwan-nsen. Tabawt tesfqaɛ-aɣ alama teglad s lmut. Tinififtin n ẓẓif-nneɣ ttwamerretent. Maɛtub Lwennas, tcennuḍ s ubeɛzeq ayen ḥulfan atmaten-ik s tsusmi. Immi nella d tiɣtas n yiwen unagraw anda awal tilleli yesɛa anamek : tilleli i kra n yemdanen ad melken wiyaḍ. Kečč d aselɣar i wul yettwarzen. D anza yeddren n lebɣi-nneɣ ad neqqim nbedd. Ccna yekka-d seg ẓẓif-inek, taɣuct-ik i icuffen s zzɛaf d wurfan teseḥmay-aɣ iɣsan. ---------- Nettxayal Ṭawes Amruc d umeṭṭraḍ anumidi mi tzegger igenwan n tmurt-nneɣ. Syin akin ticraḍ n tyemmatin-nneɣ ttuɣalent d tidet tamagdezt. Ulac ayen nniḍen yessnen neɣ izemren aɣ-yenher. Lwennas, tesmektiḍ-aɣ-d s tumert belli ɣas uzlen idamen, aẓar yettwaxlaf. Ulac alugen n ugama yugaren wagi. Aḥaweṣ n tlelli-nneɣ sɣur imesḥaf-agi i ɣ-iḥekmen yerra aɣref-nneɣ amzun ttaqeḍɛit n lmal yuḍnen anda wid iffazen ɛaṛqen, ussafen neɣ ttwarnan, wid menwala uɣen taggamaḍt n yitran yettcririqen. Rru a yul. Ccnu-yasen a Lwennas belli tugdut d aram amezwaru deg yimawen-nneɣ, neṭṭeḍ-itt seg yidmaren n tyemmatin-nneɣ. Ccnu-yasen fud-nneɣ n teɣdemt d weɣram. Ccnu, a Lwennas, ccnu ! Ɛni amedyaz yezmer ad yemet ?

samedi 27 février 2016

[Inédit – Exclusif] Tasɣunt Asmazaɣ - Uṭṭun 2 – Fuṛaṛ 2966 – 2016

Akun neɛreḍ ad teɣṛem uṭṭun wis-sin n tesɣunt nneɣ tamaynut Asmazaɣ  (Nous vous invitons à découvrir le second numéro de notre nouvelle revue Asmazaɣ - Le berbérisant).  Tasɣunt-agi nebɣa ad-nejmeɛ degs tiɣawsiwin d isufar i waken anɛiwen wid yebɣan, am nekni, ad-lemden tamaziɣt d ad-issinen adlis d umezruy-nsen.
Uṭṭun-agi degs ameslay ɣef imaḍanen, imassen n tɣuri, tasenselkimt, inemgalen, tinzaɣ d imerna, tafekka, uguren n tezmert, axxam, ideqqi, afulay, tisemhay, imɣan, lexrif, takerza, tameggra d usserwet, tazemmurt, aleqqem, umud d lebzur. Degs daɣen tajmilt i Matub Lwennas.

4 commentaires :

  1. Azul fell-awen. Tanemmirt i wid d tid i iqeddcen, i wakken a d-ssufghen Tasghunt Asmazagh. Tutlayt Tamazight tehdadj tisghunin yecban ta i wakken ad tennerni. Ferrhegh mi walagh allalen i s-d-tewwim i tutlayt-nnegh, d ayen ara tt-yessiwden ad tagh amkan ger tiyad. Tanemmirt, afud ameqran.

    RépondreSupprimer
    Réponses
    1. Azul. Tanemmirt i kečč ɣef wawalen-agi i ttaken abeḥri i turet, dayen ara ɣ-yeǧǧen anneqdec ugar.

      Supprimer
  2. tanemmirt ....saramghawen afud i garzen tisghunin aggi d ayen ayedjen tutlayt nagh adflali

    RépondreSupprimer
  3. Tanemmirt ghef tasghunt aggi dhayen a yedjjen tutlayt nagh adflali

    RépondreSupprimer